Mateo 24:44 - Manobo Western Bukidnon

⁴⁴ Iring din ded daan, layun kew andam su ebpekeuma a is Kakey te Menusiyà te uras he kenà a keniyu ebperetengen.

Mateo 24:44 Cross References

Mateo 24:27

Su siak is Kakey te Menusiyà, iring is kedlikù ku te kilat he idtik-ew ibmerayag te tivuuk he langit puun te edsilaan pehendiyà te edsenlepan. Egkeahà heini te langun.

Mateo 24:42

Purungpurung kew su kenè niw egketuenan ke keenu he andew is kedlikù ku te Nengazen niw.

Mateo 24:43

Kenè niw heini lipati he emun egketuenan te teg̵ig̵aked te valey ke keenu ebpekeuma is tekawen dutun te valey zin, ne kenà sikandin edlipezeng. Ne zutun, kenà egkeselezan te tekawen haazà is baley.

Mateo 25:10

Ne zutun migenat haazà is menge tulebung su ebpemasa zan te gas, ne hein nehaus dan en nekeuma sikan is ebpengesawa. Ne haazà is lelima he menge rag̵a he memetau, miduma zan kandin te edseled dutun te valey he zutun is eseweey. Ne hein nekeseled dan en dutun ne midlekevan haazà is baley.

Mateo 25:13

Ne ke si Jesus te, “Iring dutun, kinahanglan he andam kew su wazè niw metueni ke hengkey he andew wey ke hengkey he uras is kedlikù ku.

Lucas 12:39

Ne ke si Jesus maan te, “Kenè niw heini lipati he emun egketuenan te teg̵ivaley ke keenu ebpekeuma is tekawen ne ebpekepurung sikandin ebpekevantey ne kenà ebpekeseled dutun te valey zin haazà is tekawen.

Lucas 12:40

Ne sikiyu zaan, kinahanglan he mebpekevantey kew su siak is Kakey te Menusiyà, ebpekeuma a te uras he wazè niw isipa he ebpekeuma a.”

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Pilipus 4:5

Kinahanglan he peketulanged kew te minsan hentei su meg̵aan en edlikù is Nengazen.

Santiago 5:9

Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.

Impezayag 19:7

Edlilipey kiw utew ne edelig̵en tew sikandin tenged te zekelà he g̵ehem din! Su iyan en heini timpu he kegketuman te eseweey te nati he kerehidu. Is ed-esewaan te nati, ne mibistiyan en.