Mateo 24:3 - Manobo Western Bukidnon

³ Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 24:3 Cross References

Mateo 13:36

Ne zutun mid-ewaan ni Jesus haazà is mezakel he menge etew ne midseled sikandin diyà te valey. Ne is menge sumusundan din, midtelukun dan kandin, ne ke sikandan te, “Luwasa nu kenami ke hengkey is kehulug̵an te menge mezaat he pinemula ziyà te kamet he zuen te sempitè nu.”

Mateo 13:49

Ne keuzemà te ketepusan he timpu, iring kayi is egkeulaula su ebpenhipanew is menge velinsug̵uen te Megbevayà ne edtepizen dan is menge lalung wey menge metazeng he etew.

Mateo 15:12

Ne mid-uvayan si Jesus te menge sumusundan din ne ke sikandan te, “Netuenan nu ve he nepeukan ka te menge Perisiyu tenged te menge lalag nu g̵eina?”

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 16:28

Kenè niw heini lipati he zuen menge zuma tew kayi he kenà ebpatey taman te egkeehè e zan is Kakey te Menusiyà he ebpekeuma su edhadì.”

Mateo 17:19

Ne is menge sumusundan din, hein iyan dan dà engki Jesus, mid-uvayan dan sikandin. Ne ke sikandan te, “Maan is wazè dey meulii sikan is batà he edlelungen te mezaat he mulin-ulin?”

Mateo 21:1

Ne hein uvey zan en diyà te inged he Hiruselim su uvey zan te inged he Bitpagi, ne uvey zaan te vuvungan he egngezanan te Ulivuwan, migkeg̵iyan ni Jesus is dezuwa zutun te sumusundan din,

Mateo 24:27

Su siak is Kakey te Menusiyà, iring is kedlikù ku te kilat he idtik-ew ibmerayag te tivuuk he langit puun te edsilaan pehendiyà te edsenlepan. Egkeahà heini te langun.

Mateo 24:30

Ne zutun, siak is Kakey te Menusiyà, egkeahà diyà te langit is tuus te kebpekeuma ku. Ne zutun utew egkengeseeng is langun he menge etew zini te kelibutan. Ne egkeehè e zan is Kakey te Menusiyà diyà te menge g̵apun su ebpekeuma a. Ne utew zekelà is gehem ku wey utew merayag is ked-anlag ku.

Mateo 24:37

Ne siak is Kakey te Menusiyà, keuzemà te timpu te kedlikù ku zini te kelibutan, ebpekeiring is menge ulaula te menge etew zutun duen te menge ulaula zengan te menge etew zuen te timpu ni Noe.

Mateo 24:39

Ne wazà diyà te isip te menge etew sikan is egkehitavù kandan taman te midlapey is dag̵at ne nengelened sikandan. Ne iring ded dutun keg̵aan is kegketik-ew te kedlikù ku te Kakey te Menusiyà keuzemà.

Mateo 24:43

Kenè niw heini lipati he emun egketuenan te teg̵ig̵aked te valey ke keenu ebpekeuma is tekawen dutun te valey zin, ne kenà sikandin edlipezeng. Ne zutun, kenà egkeselezan te tekawen haazà is baley.

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Lucas 21:7

Ne mid-insaan dan si Jesus, ke sikandan te, “Datù, keg̵iyi key ke keenu egkehitavù heini is langun wey ke hengkey is egkeulaula he tuus he iyan en timpu he egketuman heini is langun he migkag̵i nu g̵eina?”

Nengeulaula 1:7

Ne midtavak si Jesus te, “Iyan dà is Amey tew he Megbevayà duen din keg̵ehem te kegketau ke keenu he timpu egketuman is ebeelan din, ne wazà itug̵ut keniyu is kegketueni kayi.

Hibriyuhanen 9:26

su emun iyan haazà egkinehenglanen, puun pa te kedlimbag̵a te kelibutan, ne utew mezakel is kebpekeantus din te kebpehimatey. Iyan, wazà iyan haazà kinehenglana su iyan mid-ulaula zin kayi te timpu he meg̵aan en egketapus is kelibutan is: midlepew sikandin wey zin maawà is salè tew pinaag̵i te kebpemuhata zin te keugelingen din he lawa. Ne kesevaha zà is kedhimuwa zin kayi.