Mateo 23:8 - Manobo Western Bukidnon

⁸ Kenè niw itug̵ut he iyan id-umew keniyu is ‘menunudlù’ su teltelesuled kew is langun ne sebsevaha zà is menunudlù niw he iyan a.

Mateo 23:8 Cross References

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Mateo 23:10

Kenè niw zaan itug̵ut he iyan id-umew keniyu is ‘egalen’ su siak is mibpilì te Megbevayà, iyan e zà egalen niw.

Mateo 23:7

Utew ibmeupiya te g̵ehinawa zan ke edtehuzen sikandan te menge etew ziyà te tiyenggiyan wey ke ed-umawen sikandan he ‘menunudlù.’

Mateo 26:25

Ne zutun migkag̵i si Hudas, kes ed-akal kandin te, “Menunudlù, iyan e ve ed-akal kenikew?” Ne ke si Jesus te, “Uya, iyan ka.”

Mateo 26:49

Ne hein nekeuma si Hudas, segugunè din mid-uvayi si Jesus ne migkag̵i te, “Na! Menunudlù!” Ne zutun midhezekan din si Jesus.

Marcos 10:51

Ne mid-insaan sikandin ni Jesus te, “Hengkey is egkesuatan nu he ebeelan ku?” Ne midtavak haazà is lakap te, “Iyan egkesuatan ku is mekeahà is menge mata ku.”

Marcos 11:21

Ne netenuzan haazà ni Pedro ne ke sikandin diyà te ki Jesus te, “Ahaa nu man! Neg̵angu heeyan is kayu he igira he midrewakan nu.”

Marcos 14:45

Ne zutun te kebpekeuma ni Hudas, segugunè din mid-uvayi si Jesus ne migkag̵i te, “Na! Menunudlù!” Ne midhezekan din.

Marcos 9:5

Ne zutun migkag̵i si Pedro ziyà te ki Jesus te, “Utew meupiya te zini key. Ebeelan dey is tetelu he lawig; sevaha is kenikew, sevaha zaan is ki Moises, wey sevaha is ki Elias,” ke sikandin.

Lucas 22:32

Iyan, in-ampù ku sikew, Simon, diyà te Megbevayà he kenà maawà is kedtuu nu kediey. Ne emun melig-en en is kedtuu nu kediey ne himuwa nu he mebmelig-en daan is kedtuu te menge zuma nu.”

Juan 1:38

Midteren si Jesus ne midlilingey ne neehè din he eduma sikandan ne ke sikandin te, “Hengkey is tuyù niw?” Ne ke sikandan te, “Rabi,” he ke và dà egkeg̵iya, Menunudlù, “hendei ka ed-ubpà?”

Juan 1:49

Ne zutun migkag̵i si Natanael te, “Datù, tutuu ves iyan he iyan ka sikan is Anak te Megbevayà; iyan ka sikan is netagnà he hadì dey te menge kevuwazan ni Israyil.”

Juan 11:8

Ne migkeg̵iyan sikandin te menge sumusundan din te, “Menunudlù, deyzey ke kenè ka edlikù diyà te Hudiya su wazè pa mepirai he edhimetayan ka pezem te menge Hudiyu.”

Juan 20:16

Ne zutun migkag̵i si Jesus te, “Maria!” Ne mid-etuvang si Maria ne te kineg̵iyan he Hibriyuhanen migkeg̵iyan din si Jesus te, “Rebuni!” he ke và dà kenitew, “Menunudlù.”

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”

Juan 3:26

Ne midhendiyè dan te ki Juan ne ke sikandan te, “Menunudlù, sikan is etew he zuma nu hein diyè ka layun te wahig he Hurdan, sikan is migkag̵i nu, ebpemewtismu zaan sikandin ne mezakel he etew is edsundan kandin.”

Juan 4:31

Ne zutun te kemulu pa haazà is bahi ziyà te inged, migkeg̵iyan si Jesus te menge sumusundan din te, “Datù, kaan ka.”

Juan 6:25

Ne hein nekezunggù dan neehè dan sikandin. Ne mid-insè dan te, “He Menunudlù,” ke sikandan, “keenu ka mekeuma zini?”

Juan 9:2

Ne mid-insaan si Jesus te menge sumusundan din, ke sikandan te, “He Menunudlù, hentei vuwa is mid-ulaula te mezaat, iyan be heini is lakap wey ke iyan be is iney zin wey ke amey zin be su maan is te ked-enaka kandin daan en he lakap?”

2 Kurintu 1:24

Kenè dey egkesuatan he ebayàbayè key ke hengkey is edtuuwan niw su netuenan dey he meheg̵et en is kedtuu niw. Egkesuatan dey zà he mehimu key he timbang niw te ebpeveelan kenitew te Megbevayà su wey kew melipey.

2 Kurintu 4:5

Kenà iyan dey ibpenurù su wey key mevantug te menge etew, kekenà, iyan dey ibpenurù su wey mevantug si Jesu Kristu he iyan Nengazen te langun. Sikami, edtevangan dey en sikiyu su wey zey metuman is sug̵ù ni Jesus.

Ipisu 3:15

Is langun he menge tumutuu he zini pa te lumpad wey ke ziyè en be te langit, ne migngezanan din sikandan he pemilya zin.

Pilimun 1:16

Ne g̵untaan kenà sikandin uripen nu zà duen, kekenà, utew pa mahal kenà is uripen su suled nu en daan tenged te kedtuu zin ki Kristu. Utew sikandin mahal zini te g̵ehinawa ku ne mahal pa zaan diyan te kenikew, kenà tenged dà te uripen nu, kekenà, tenged daan te suled nu en tenged te Nengazen.

Santiago 3:1

Menge suled, deyzey ke kenà mezakel keniyu is egkesuat he ebpenurù, su sikami is ebpenurù, utew meheg̵et keuzemà is kedsusiya kenami te Megbevayà, kenà te ebpepenurù kenami.

1 Pedro 5:3

Kenè kew medhadìhadì kandan te insarig keniyu, kekenà, eg̵aka niw sikandan su wey iyan kew zan edsunuzen te menge meupiya he ulaula.

Impezayag 1:9

Iyan a si Juan is sevaha he suled niw tenged te kedtuu ku ki Jesus. Iring keniyu nekeantus a zaan te menge kemeresayan su sakup a zaan te g̵inhedian din. Tenged te ingkepauk te gubirnu is kebpenudtul ku te Lalag te Megbevayà wey is kebpenurù ku te impesavut ni Jesus, impesivey a ne ziyà a ibpeubpà te sengepupulu he egngezanan te Patmus.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.

Impezayag 22:9

Iyan, mibensag̵an e zin, ke sikandin te, “Kenà a kenikew ezapa su siak wey sikew, wey is menge zuma nu he ebpeneuven te Megbevayà wey is langun he edtuman te menge lalag kayi te libru, neked-iiring kiw zà he menge sulug̵uen te Megbevayà. Iyan nu zà ezapa is Megbevayà,” ke sikandin.