Mateo 23:16 - Manobo Western Bukidnon

¹⁶ Kehizu niw, su iring kew te lakap he ed-ag̵ak te sengelelakap. Ibpenurù niw he ke zuen etew he ebpenaad ne ibpengumew-umew zin duen te zekelà he simbahan, egkehimu he kenè din edtumanen haazà he penaad. Ne ibpenurù niw zaan he emun iyan din ebpengum-umawen sikan is bulawan duen te simbahan, kenà egkehimu ke kenè din edtumanen haazà is penaad din.

Mateo 23:16 Cross References

Mateo 15:14

Bey-ani niw en is menge Perisiyu. Iring sikandan te menge lakap. Ne ke zuen lakap he ed-eg̵aken din is sengelelakap, haazà is ebpeeg̵akà, ne pudu egkeulug diyà te vitu.”

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Mateo 23:17

Menge lakap kew he tulebung! Su iyan bes lavew sikan is bulawan duen te Valey te Megbevayà! Kenà egkehimu! Su sikan is bulawan, iyan igketeg̵ui zin te g̵ehem te Megbevayà su g̵eina te nekeseled duen te Valey te Megbevayà.

Mateo 23:19

Utew kew nelakap su iyan bes lavew is impemuhat? Kenà egkehimu, su iyan igketeg̵ui zin te g̵ehem te Megbevayà sikan is bangkù he ebpemuhatan.

Mateo 23:24

Iring kew te lakap he ed-ag̵ak te sengelelakap. Kenè niw egkeaku te ebaal is utew zeisey he salà, iyan, egkeekuwan niw mulà te ebaal is utew zekelà he salà.

Mateo 23:26

Iring kew te lakap is menge Perisiyu! Lumpiyuwi niw hunai is idseled niw zutun ne human egkelumpiyu is tasa niw wey pinggan niw.

Gelasya 5:3

Ne kenà duen dà taman su tutuu iyan he ke zuen minsan hentei he kunaan din ke ebpulus kandin is kebpesirkunsidar, kinahanglan daan he ebpurungan din te edtuman is minsan hengkey he sug̵ù dutun te tivuuk he kesug̵uan.

Santiago 5:12

Menge suled, ebeleuzan ku sikiyu he emun duen ibpesarig niw kenè niw heg̵eta pinaag̵i te kebpengulivet wey kedsesapà. Kenè kew medsesapà pinaag̵i te kegemita niw te minsan hengkey ziyà te langit wey zini te tanà te kebenara niw te menge lalag niw. Uya zà wey wazà is gemita niw su wey kenè kew mesiluti te Megbevayà.