Mateo 21:44 - Manobo Western Bukidnon

⁴⁴ Ne haazà he vatu, ke và dà egkeg̵iya, iyan sikandin kes mibpilì he hadì, ne emun egkeulug̵an te etew haazà, egkepurung egkerupet is egkeulug dutun. Iyan, ke zuen etew he egkeulug̵an dutun te vatu ne egkepurung egkeapug is lawa zutun te egkeulug̵an.”

Mateo 21:44 Cross References

Mateo 21:43

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Mateo 21:45

Ne heini is menge sempità ni Jesus, nezineg te menge Perisiyu wey menge lavew he memumuhat ne nesavut dan he iyan din sikandan egkeg̵iyen.

Mateo 26:24

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew zuen te etew he ed-akal kedì. Meupiya pa ziyà te kandin ke wazè en sikandin ianak.”

Mateo 27:25

Ne midtavak is langun he menge etew te, “Uya, kenami en he salà is kedhimetayi kayi wey salà daan te menge kevuwazan dey!”

Lucas 2:34

Ne in-ampù daan sikandan ni Simeon he tuvazi sikandan te Megbevayà ne migkeg̵iyan din si Maria, sikan is iney zuen te vatà te, “Heini is anak nu, nepilì sikandin te Megbevayà su wey pinaag̵i kandin mevahinbahin kiw is menge kevuwazan ni Israyil. Ne is edsundan kandin ne egkelibri, ne sikan is kenà edsundan, ne edsilutan te Megbevayà. Egketuusan he sugù sikandin te Megbevayà, iyan, edsumpeliten sikandin te mezakel he menge etew,

Lucas 20:18

“Ne haazà he vatu, ne emun egkeulug̵an te etew ne egkepurung egkerupet is egkeulug dutun. Iyan, ke zuen etew he egkeulug̵an dutun te vatu ne egkepurung egkeapug is lawa zutun te egkeulug̵an.”

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Ruma 9:33

Su zuen insurat he Lalag te Megbevayà he edhenduen te, “Duen idsavuk ku he vatu ziyà te inged te menge Hudiyu he Siyun. Egkesipà heini te menge etew ne ebpekeurambak dan, iyan, ke zuen edsarig kayi te vatu, kenè en ebkepeel-elezan.”

1 Tiselunika 2:16

ne iring te egkuntedahan dan is tivuuk he menusiyà, su edsemuken key zan wey zey kenà ikesangyew is Lalag te Megbevayà he igkelibri te silut te menge etew he kenà menge Hudiyu. Ne ebpeniguduwan dan te ebaal is taman te egkehimu zan he salà. Ne g̵untaan in-andam en is silut kandan te Megbevayà.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.