Mateo 21:21 - Manobo Western Bukidnon

²¹ Ne midtavak si Jesus te, “Tipig̵i niw heini ziyà te isip niw he ke edsarig kew te Megbevayà te kenà duwazuwa, egkehimu niw heini is midhimu ku kayi te kayu he igira. Ne kenà kayi zà taman su minsan pa ke ekeg̵iyan niw heeyan is buntud te, ‘Med-awè ka keniyan ne agbur ka ziyà te zag̵at,’ ne ebpemineg̵en kew zin.

Mateo 21:21 Cross References

Mateo 14:29

Ne ke si Jesus te, “Hendini ka.” Ne midrenà si Pedro puun dutun te avang ne midhipanew zutun te zivavew te wahig pehendiyà te ki Jesus.

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Mateo 21:20

Nengeinuinu utew is menge sumusundan ni Jesus dutun hein neehè dan is nehitavù dutun te kayu. Ne ke sikandan te, “Maan is segugunà nelay-ub heini is kayu he igira?”

Mateo 8:12

Iyan, mezakel zaan he kevuwazan ni Israyil he midteg̵enahan pezem te Megbevayà te ginhedian din, iyan, igketimbag sikandan diyà te merusirem he utew meziyù te ed-ubpaan te Megbevayà. Ne ebpemekekulahì dan is ebpemekengingitel he utew zan ebpemekedsendit.”

1 Kurintu 13:2

Ne penenglitan ke ebeg̵ayan a te ketau te kedseysey te impesavut kedì te Megbevayà, ne egkesavut ku is minsan hengkey he kenà egkesavut te zuma wey is minsan hengkey he mezalem, ne minsan ke utew mezesen is kedtuu ku ne egkehimu he egkepengelinteuwan ku he mekehalin is buntud ne segugunà edhalin, iyan, ke kenà mahal zini te g̵ehinawa ku is menge zuma ku, ne wazè ku g̵ihapun pulus.

Santiago 1:6

Ne emun ebuyù kew te ketau ziyà te kandin kinahanglan he edtuu kew he egkezawat niw te wazà duwazuwa. Su is etew he eduwazuwa, egkehalinhalin layun is isip din. Iring sikandin te vag̵el ziyà te zag̵at he minsan hendei zà duen hiyupa te keramag.