Mateo 2:22 - Manobo Western Bukidnon

²² Ne hein netuenan ni Jose he iyan hadì diyà te Hudiya si Ergilau he nekesunud te amey zin he si Hirudis, midlevayan dan is prubinsya he Hudiya su nahandek dan. Ne tenged te mibpeteg̵einep is Megbevayà he edsambag ki Jose, midlaus dan diyà te prubinsya he Geliliya.

Mateo 2:22 Cross References

Mateo 1:20

Ne zutun te kemulu zin pa ed-isipa is iring kayi, mibpeteg̵einep kandin is belinsug̵uen te Nengazen. Ne ke sikandin te, “Sikew Jose, is kevuwazan ni Hadì David, kenè ka melenew he ebpengesawa ki Maria su meg̵ingey sikandin pinaag̵i te g̵ehem te Wag̵as he Mulin-ulin.

Mateo 2:1

Diyà si Jesus ianak te inged he Bitlihim, te prubinsya he Hudiya zutun te timpu te kedhadì te aney en he hadì he egngezanan ki Hirudis. Ne zutun te vatè pa utew si Jesus, nekeuma ziyà te Hiruselim is menge memimituen. Diyà sikandan ebpuun te meziyù he inged diyà te edsilaan.

Mateo 2:19

Ne hein minatey en si Hirudis, mibpeuman mebpeteg̵einep ki Jose is belinsug̵uen te Nengazen he migkag̵i te,

Mateo 2:21

Ne mid-enew si Jose ne miduma zin haazà is batà wey si Maria is iney te vatà ne mid-ulì dan diyà te tanà he Israyil.

Mateo 3:13

Ne zutun te timpu te kebpemewtismu ni Juan, migenat si Jesus ebpuun diyà te prubinsya he Geliliya pehendiyà te wahig he Hurdan su ebpebewtismu ki Juan.

Lucas 2:39

Ne hein nepasad ni Jose wey ni Maria haazà is kedtumana zan te langun he insug̵ù diyà te kesug̵uan he imbeg̵ey te Nengazen, mid-ulì dan diyà te ed-ubpaan dan diyà te inged he Neserit diyà te prubinsya he Geliliya.

Juan 7:52

Ne midtavak is menge zuma zin te, “Tulebung ke ves daan he tigGeliliya? Purungi nu susiya is insurat he menge tagnà, ne egketuenan nu he wazà minsan sevaha he ebpeneuven te Megbevayà he ziyà ebpuun te prubinsya he Geliliya.”