Mateo 2:11 - Manobo Western Bukidnon

¹¹ Ne hein midseled dan dutun te valey neehè dan haazà is batà wey is iney zin he si Maria. Ne midluhud dan su ed-ezapen dan haazà is batà. Ne zutun impelepew zan is menge kavan he zutun itagù is ketig̵eyunan dan ne mibeg̵ayan dan sikandin te vulawan wey menge mahal he mehemut he beyewà wey mira.

Mateo 2:11 Cross References

Mateo 1:18

Iyan heini g̵ug̵ud te keag̵i te ked-enaka ki Jesu Kristu. Nekeg̵unan is iney zin si Maria te maama he egngezanan ki Jose. Iyan, te wazè dan pa meked-esawa, netuenan ni Maria he meg̵ingey sikandin pinaag̵i te g̵ehem te Wag̵as he Mulin-ulin.

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Mateo 14:33

Ne is menge zuma he menge sumusundan din dutun te avang, mid-azap dan ki Jesus he ke sikandan te, “Benar iyan he Anak ka te Megbevayà!”

Mateo 2:2

Ne in-insè dan ke, “Hendei ianak kes midtagnà he vatà he ebpekehadì te menge etew he Hudiyu? Neehè dey is kedlepew te vituen he iyan tuus te ked-enaka kandin ne tenged kayi midhendini key su ed-ezapen dey sikandin.”

Lucas 2:16

Ne zutun nemenhipanew zan is egkengezegdeg̵usu ne nekeuma zan diyà te ki Jose wey ki Maria ne neehè dan daan haazà is batà he impehizeg̵à diyà te selemakà te kudà.

Lucas 2:38

Ne te kemulu pa zutun te simbahan si Jose wey si Maria, nekeuma sikandin ne midalig din is Megbevayà tenged dutun te vatà. Ne impesavut din dutun ke hentei haazà is batà diyà te langun he menge etew he netig̵um dutun he hustu is kebpeebuta zan te kedlibriya te Megbevayà te menge kevuwazan ni Israyil.

Juan 19:39

Ne si Nikudimu, sikan is nenumbaley ziyà te ki Jesus te sevaha he mezukilem, miduma zaan dutun. Duen mid-uwit din he kelimahan he kilu he pehemut he alus he midsehug̵an te pehemut he mira.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.

Impezayag 5:8

Ne hein nekuwa zin en haazà is belesahan, sikan is menge heepat he linimbag wey is menge keluwaan wey heepat he ebmeg̵urangen, midlangkeb dan diyà te etuvangan dutun te nati he kerehidu su ed-ezapen dan. Ne zuen arpa te uman sevaha zutun te menge ebmeg̵urangen ne zuen egewezan dan he menge lediyà he vulawan he nepenù te veyewà he edtutungen su wey zuen mehemut he evel ne iyan kehulug̵an dutun is menge ked-ampù te menge etew he g̵aked te Megbevayà.