Mateo 19:21 - Manobo Western Bukidnon

²¹ Ne migkag̵i si Jesus te, “Emun edheg̵eten nu pa, ulì ka ne ivelegyè nu is langun he menge azen nu, ne is halin, ibpemeg̵ey nu ziyà te menge egkengeayuayu, ne edsepian ka ziyà te langit. Ne ke egkeipus nu heeyan likù ka zini wey ka mekesundan kediey.”

Mateo 19:21 Cross References

Mateo 16:24

Ne zutun migkag̵i si Jesus diyà te menge sumusundan din te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan ke iyan ibpatey zin. Ne human ebpekesunud kedì.

Mateo 19:20

Ne migkag̵i haazà is etew te, “Is langun keniyan, ne mibentayan ku; hengkey pa is kurang ku he ebpeveelan kedì?”

Mateo 19:22

Ne hein nezineg heini zutun te menguhed he etew, ne mid-ulì he utew mibmesakit is gehinawa zin su utew zekelà is ketig̵eyunan din.

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 4:19

Ne migkeg̵iyan sikandan ni Jesus te, “Menunug̵es kew ves te pait? Duma kew kedì ne etew mulà is egkekuwa niw wey zan mekesundan kedì.”

Mateo 5:48

Kinahanglan he meheg̵et is kebpurungi niw te minsan hentei. Su kes Amey tew ziyà te langit, utew meheg̵et is kebpurungi zin te menusiyà.”

Mateo 8:22

Ne midtavak dutun si Jesus te, “Kenà, su iyan edleveng te menge minatey sikan is wazà mekezawat te untung he wazè din pidtemanan. Iyan, sikew mula, duma ka kediey.”

Mateo 9:9

Ne mid-ewaan sikandan ni Jesus ne zutun te ibayè din neehè din is menunukut te vuhis he egngezanan ki Mateo he zutun he timpu ebpimpinuu ziyà te upisina zin. Migkeg̵iyan ni Jesus te, “Sunud ka kedì.” Ne zutun midhitindeg si Mateo ne midsunud ki Jesus.

Marcos 10:21

Ne si Jesus, midtengtengan din haazà is etew su ingkehizu zin ne ke sikandin te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Marcos 2:14

Ne hein nepasad haazà is kebpenurù din ne midlaus si Jesus, ne ziyà te ibayè din duen upisina te menunukut te vuhis. Ne zutun neehè din is anak ni Alpiyu he si Levi he menunukut te vuhis he ebpimpinuu zutun. Ne migkeg̵iyan din te, “Sunud ka kedì.” Ne zutun midhitindeg si Levi ne midsunud ki Jesus.

Marcos 8:34

Ne zutun impeuvey ni Jesus diyà te kandin is menge etew wey menge sumusundan din. Ne ke sikandin te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Lucas 12:33

Ivelegyè niw is langun he azen niw ne ipemeg̵ey niw is halin diyà te menge egkengeayuayu. Pinaag̵i kayi egkehimu he zuen ketig̵eyunan niw ziyà te langit. Is menge azen niw ziyà te langit, ne kenà egkezeetan ne kenà egketerinan su wazà ebpenakew ne wazà ipes he ebpekeketket.

Lucas 14:33

Ne iring din ded daan,” ke si Jesus, “su sikiyu is edsundan kediey, kenè kew egkehimu he tutuu he menge sumusundan ku emun kenè egkeawà diyà te g̵ehinawa niw is ked-engkezi niw te langun he egkenug̵unan niw.”

Lucas 16:9

Umba,” ke si Jesus, “egkeg̵iyen ku keniyu he g̵emita niw is ketig̵eyunan niw zini te kelibutan wey metevangi is egkengeayuayu ne emun egkeuma haazà is timpu keuzemà he kenè niw en egkeg̵amit is menge azen niw, edsuhulan kew te Megbevayà diyà te langit.

Lucas 18:22

Ne hein nezineg ni Jesus haazà, migkeg̵iyan din te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Lucas 5:27

Ne hein neipus haazà, ne mid-awà dutun si Jesus ne neehè din is sevaha he menunukut te vuhis he egngezanan ki Levi he ebpimpinuu ziyà te upisina zin. Ne migkeg̵iyan ni Jesus te, “Mama, sunud ka kedì.”

Lucas 6:40

Is ebpepenurù, kenè din isipa he lavew sikandin he edtehuzen kenà te ebpenurù kandin. Ne emun wazè en igkepenurù kandin te ebpenurù, human ebpekedrepeng sikandan is ebpepenurù wey is ebpenurù.”

Lucas 9:23

Ne mid-uman si Jesus megkag̵i diyà te kandan te langun, ke sikandin te, “Ke zuen egkesuat he edsundan kedì ne kinahanglan he iawè din diyà te isip din is kandin he paag̵i ne tianga zin te kada andew is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Juan 10:27

Su is menge g̵aked ku he etew, ebpemineg dan te menge lalag ku. Egkekilala ku sikandan ne edsundan dan kediey.

Juan 12:26

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Nengeulaula 2:45

Imbelegyè dan is menge azen dan wey menge tanà ne is halin dutun, ne mibpenalad dan diyà te langun he menge zuma zan sumalà is kinahanglan te kada sevaha.

Hibriyuhanen 10:34

Ne nehizuwan niw, ne midtevangan niw is menge tumutuu he nengepirisu. Ne minsan pa te mibpen-ileg te menge etew is langun he menge azen niw, midlipey kew gihapun su netuenan niw he zuen azen niw he utew pa meupiya ziyà te langit he kenà egkeileg diyà te keniyu te wazè din pidtemanan.