Mateo 18:12 - Manobo Western Bukidnon

¹² Ke zuen etew he nenggatus is menge ayam din he kerehidu ne egketazin is sevaha zutun, hengkey is ed-ul-ulahan din? Iyan ed-ul-ulahan din is ed-ewaan din haazà is kesiyawan wey siyew he wazà metazin he ebpemenabtab diyà te kelendig̵an, ne ebpen-ahaan din haazà is sevaha he netazin.

Mateo 18:12 Cross References

Mateo 12:11

Ne midtavak si Jesus te, “Ke zuen kerehidu te minsan hentei kenitew ne egkeulug diyà te vitu te Andew te Kedhimeley, kenà egkehimu he kenè din igaun puun dutun te vitu minsan ke Andew te Kedhimeley.

Mateo 18:13

Egkeg̵iyen ku keniyu he ke egketuredu zin haazà, utew sikandin egkelipey zutun te sevaha kenà dutun te kesiyawan wey siyew he wazà metazin.

Mateo 21:28

Ne mid-uman megkag̵i si Jesus diyà te kandan te, “Hengkey is isip niw kayi? Duen etew he zezuwa is anak din he maama. Mibeyaan din is kakey ne migkeg̵iyan din te, ‘Diyè ka g̵untaan, Mama, terebahu te perasan.’

Mateo 22:42

“Hengkey is isip niw? Kes mibpilì te Megbevayà he ibpahadì, hentei ki kevuwazan sikandin?” Ne midtavak dan te, “Kevuwazan sikandin ni Hadì David.”

1 Kurintu 10:15

Sikiyu, ne metau kew he ed-isip, umba, isipa niw heini is egkeg̵iyen ku.

1 Pedro 2:25

Iring kiw zengan te menge ayam he kerehidu he nengetazin, iyan, guntaan impeulì kiw en diyà te Megbevayà he iyan bekidu he metau he ebantey kenitew.