Mateo 17:10 - Manobo Western Bukidnon

¹⁰ Ne zutun mid-insaan si Jesus te menge sumusundan din te, “Maan is egkeg̵iyen te menge menunudlù te kesug̵uan he kinahanglan he edhuna edlepew si Elias, sikan is ebpeneuven dengan, ne human sikan is edhadì he mibpilì te Megbevayà?”

Mateo 17:10 Cross References

Mateo 11:14

Ne emun edtuu kew te impesavut dan, egketuenan niw he iyan en si Juan si Elias su midtagnè dan is kebpekelikù ni Elias.

Mateo 16:14

Ne midtavak dan te, “Is duma, ne iyan ke kun si Juan Megbebewtismu he nevanhew. Ne is duma, ke sikandan te, iyan ka si Elias. Ne egkag̵i is duma pa te si Jeremias ka, ne emun kenà, ne sevaha ka zuen te ebpemeneuven dengan te Megbevayà.”

Mateo 17:11

Ne zutun midtavak si Jesus te, “Tutuu iyan he egkehuna ebpekeuma si Elias su ed-endamen din is langun.

Marcos 9:11

Ne mid-insaan dan si Jesus te, “Maan is egkeg̵iyen te menge menunudlù te kesug̵uan he edhuna edlepew si Elias, sikan is ebpeneuven dengan ne human sikan is edhadì he mibpilì te Megbevayà?”

Juan 1:21

Ne ke sikandan te, “Iyan ke ve kes ebpeneuven dengan he si Elias?” Ne ke si Juan te, “Kenà a zaan.” Ne ke sikandan te, “Kela ke iyan ka sikan is netagnà he mibpenaub te Megbevayà?” Ne ke si Juan te, “Kenà a zaan.”

Juan 1:25

Mid-insè dan en maan te, “Emun kenè ka iyan sikan is mibpilì te Megbevayà wey mekehadì, ne kenè ka zaan si Elias, wey kenè ka sikan is netagnà he ebpeneuven, maan is ebpemewtismu ka te menge etew?”