Mateo 16:4 - Manobo Western Bukidnon

⁴ Sikiyu is menge etew g̵untaan, utew kew mezaat; wazè en diyà te g̵ehinawa niw is kebmahala te Megbevayà! Maan is ed-ehè kew te singyal? Iyan dà singyal he ibpaahà keniyu is iring duen te singyal he neulaula zuen te tipehuna he si Jonas.” Ne zutun mid-ewaan din sikandan.

Mateo 16:4 Cross References

Mateo 15:14

Bey-ani niw en is menge Perisiyu. Iring sikandan te menge lakap. Ne ke zuen lakap he ed-eg̵aken din is sengelelakap, haazà is ebpeeg̵akà, ne pudu egkeulug diyà te vitu.”

Mateo 16:5

Ne midlayun dutun te ranew is menge sumusundan ni Jesus, ne wazè dan mekeuwit te supas su nelipatan dan.

Marcos 8:12

Ne haazà, inmesakit te g̵ehinawa ni Jesus ne ke sikandin diyà te kandan te, “Sikiyu is menge zuma ku he menge Hudiyu, maan is egkinahanglan kew he mekeehè kew te egkein-inuwan he singyal ne human kew edtuu? Benar utew is egkeg̵iyen ku keniyu he wazà singyal he ibpaahà keniyu.”

Marcos 8:38

Is minsan hentei he igkeeled e zin wey igkeeled din is ibpenurù ku kayi te timpu he mezakel is menge etew he lalung wey edsumpalit te Megbevayà, siak is Kakey te Menusiyà, igkeeled ku zaan sikandin keuzemà ke edlikù a he edumahan a te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà.”

Nengeulaula 18:6

Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”

Nengeulaula 2:40

Ne mezakel he menge ketezengan is insambag ni Pedro kandan, ke sikandin te, “Likayi niw is limas te Megbevayà kayi te menge etew g̵untaan he memezaat is ulaula.”