Mateo 13:4 - Manobo Western Bukidnon

⁴ Ne zutun te kebpemula zin duen benì he nengeulug diyà te zalan, ne heini migkaan te menge tagbis.

Mateo 13:4 Cross References

Mateo 13:3

Ne zutun mezakel is impenurù din kandan pinaag̵i te menge sempità. Ke sikandin te, “Duen etew he midhendiyà te pemuleey zin su ebpemula.

Mateo 13:5

Ne zuen daan benì he nengeulug ne nemekeuntud diyà te menge vatu he utew zà menipis is tanà he nekeapid dutun te menge vatu. Ne haazà petuluy zà midtuvù su menipis haazà is tanà.

Marcos 4:4

Ne zutun te kebpemula zin, duen benì he nengeulug diyà te zalan, ne heini migkaan te menge tagbis.

Lucas 18:35

Ne hein uvey zan en diyà te inged he Hiriku ne zuen dutun lakap he ebpimpinuu ziyà te kilid te zalan ne iyan dà baal zin is edtepayà su ebpemumuyù te limus.

Lucas 8:5

“Duen etew he midhendiyà te pemuleey zin su ebpemula. Ne haazà is benì din, duen dutun nengeulug diyà te zalan ne nengeg̵iekan te etew ne migkaan te menge tagbis.