Mateo 13:21 - Manobo Western Bukidnon

²¹ Iyan, kenà egkeheg̵et is kedtuu zan ne kenà egkeug̵et ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.

Mateo 13:21 Cross References

Mateo 10:22

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Mateo 13:20

Ne is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg.

Mateo 13:57

Ne tenged kayi wazè dan medtuu kandin. Ne zutun migkag̵i sikandin diyà te kandan te, “Is ebpeneuven te Megbevayà, kenà sikandin edtehuzen te menge etew ziyà te keugelingen din he inged; iyan, diyà te menge zuma he inged edtehuzen mulà sikandin,” ke si Jesus.

Mateo 13:6

Asal hein mid-andew, neg̵angu petuluy haazà is menge pinemula su mevavew zà is nesenevan te zalid dan.

Mateo 24:13

Iyan, sikan is kemulu pa edtuu ke egkeuma haazà is ketepusan te menge kemeresayan, iyan ebeg̵ayan te untung he wazè din pidtemanan.

Mateo 26:31

Ne zutun migkag̵i si Jesus diyà te kandan te, “Is langun te sikiyu, ne edluyahan is kedsarig niw kediey g̵untaan te mezukilem tenged te egkehitavù kedì; su zuen insurat he Lalag te Megbevayà he edhenduen te, ‘Edhimetayan ku is ed-elima te menge kerehidu ne ebpekedsusuwey is menge kerehidu.’

Mateo 26:33

Ne zutun migkag̵i si Pedro ziyà te kandin te, “Minsan ke edluyahan is kedsarig kenikew kayi te langun he menge zuma ku ne kenà mulà edluyahan is kedì, minsan egkemenumenu.”

Marcos 4:17

Iyan, kenà egkeheg̵et is kedtuu zan ne kenà egkeug̵et, ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.

Lucas 8:13

Ne haazà is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg ne edtuuwan dan. Iyan, kenà egkeheg̵et is kedtuu zan ne kenè en utew egkeug̵et dutun emun egezaman ni Setanas is kedtuu zan, ne edlikù dan diyà te zaan he ulaula zan.

Juan 6:26

Ne midtavak si Jesus te, “Benar is egkeg̵iyen ku keniyu he, umba ebpen-ahaan a keniyu kenà tenged te tutuu is kedsavut niw te menge egkein-inuwan he nengeehè niw, kekenà, tenged te nengehantey is getek niw te supas he nekaan niw g̵evii.

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Gelasya 6:12

Ne sikan is menge etew he egkesuatan dan he mebpesirkunsidar kew, egkesuatan dan he zelig̵a zan te menge zuma zan. Egkehandek dan te menge zuma zan he Hudiyu su kenè dan egkesuat he pesipelahi sikandan tenged te kedsarig dan te kebpehimatey ni Kristu.

Gelasya 6:15

Kenà ebpulus is kebpesirkunsidar ne kenà daan ebpulus is kenà kebpesirkunsidar. Iyan dekelà is pulus din is kegkehimu kenita he veg̵u en he linimbag.

Ipisu 3:17

su wey, pinaag̵i te kedtuu niw, melumuni is gehinawa niw ni Jesu Kristu. Ne idhangyù ku zaan he heg̵eti zin wey lig-eni zin is kebmahala niw te minsan hentei. Umba idhangyù ku heini su wey sikiyu,

Pilipus 1:6

Dutun he timpu mibpuunan te Megbevayà is meupiya he vaal zin he edhimuwen din diyan te keniyu. Ne netuenan ku he ebpeniguduwan din pa heini edhimuwa taman te egkepasad din keuzemà te andew te kedlikù ni Kristu.

2 Timoteo 1:15

Netuenan nu en he is langun he menge tumutuu zini he ebpuun te prubinsya he Asya, wazè e zan tevangi. Elin dutun si Pihilu wey si Hirmuhinis.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

Santiago 3:2

Sikitew is menusiyà, layun kiw egkesayep te mezakel he paag̵i. Ne ke zuen etew he kenà egkesayep pinaag̵i te kegkag̵i zin, wazè en igkesewayi kandin. Egkeveyveyaan din is tivuuk he lawa zin wey kenà mekeulaula te mezaat.

1 Pedro 1:5

Kenitew en haazà is integ̵ana zin. Tenged te nekesarig kiw kandin, nelig-enan kiw te g̵ehem te Megbevayà te kemulu kiw pa edtag̵ad te kedtulusa zin kenitew keuzemà te ketepusan he timpu.

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.