Mateo 12:2 - Manobo Western Bukidnon

² Ne naahà haazà te menge Perisiyu ne migkeg̵iyan dan si Jesus te, “Ahaa nu is menge sumusundan nu su edsupaken dan is insug̵ù kenitew te Megbevayà su maan is midlegtey zan kayi te Andew te Kedhimeley.”

Mateo 12:2 Cross References

Mateo 12:10

Ne zutun te seled te simbahan, duen etew he minatey is menge ug̵at te zivaluy he velad din. Duen daan dutun menge etew he ebpen-ahà te paag̵i he ikesumbung dan si Jesus he nekesupak te kesug̵uan. Ne mid-insaan dan sikandin te, “Emun Andew te Kedhimeley, ke ebewian ta is egkezeruwan wey meulii, ebpekesupak ki ve te kesug̵uan?”

Mateo 12:3

Ne midtavak si Jesus te, “Kenà egkehimu he wazè niw mevasa ziyà te ingkesurat dengan kes mid-ulaula ni Hadì David. Sikandin wey is menge sundaru zin, nengevitil zan.

Marcos 2:24

Ne zutun migkeg̵iyan si Jesus te menge Perisiyu te, “Is menge sumusundan nu, edsupaken dan is insug̵ù kenitew te Megbevayà su maan is edlegtey zan guntaan kayi te Andew te Kedhimeley?”

Lucas 14:3

Ne si Jesus, mid-insaan din is menge menunudlù te kesug̵uan wey is menge Perisiyu, ke sikandin te, “Sumalà is ibpenurù kenitew te insurat he kesug̵uan, ebpekesalè ki ve ke ebpemawì ki ke Andew te Kedhimeley?”

Lucas 23:56

Ne zutun mid-ulì dan su ed-endamen dan is menge mehemut he sulù wey lana he idhaplas te lawa ni Jesus. Ne zutun te Andew te Kedhimeley, wazè dan mebaal su edtumanen dan is insug̵ù dutun te kesug̵uan he imbilinbilin kandan.

Lucas 6:2

Ne zutun duen menge Perisiyu he migkag̵i te, “Maan is edsupaken niw is insug̵ù kenitew te Megbevayà he wazà ibpevaal emun Andew te Kedhimeley?”