Mateo 11:7 - Manobo Western Bukidnon

⁷ Ne hein nekeg̵enat en haazà is menge sumusundan ni Juan, migkag̵i si Jesus diyà te mezakel he nengetig̵um he menge etew, ke sikandin te, “Hein midhilesung niw si Juan diyà te tanà he wazà duen ed-ubpà he etew, hengkey is inhilesunga niw kandin? Iyan be ed-ahaan niw is etew he iring te sagbet he egkengewaleng te keramag? Kenà iyan haazà su kenà egkehalinhalin is gehinawa ni Juan.

Mateo 11:7 Cross References

Mateo 11:8

Midhilesung niw ve is etew he utew meupiya is bisti zin? Kenà daan, su is menge etew he iring dutun, diyè dà egkaahà te turug̵an te hadì.

Mateo 12:20

Kenè din edlekaan is meluya is kedtuu zin kandin. Su edtevangan din is minsan hentei, minsan sikan is deisek is kedsarig din kandin. Kenà ed-engked ebpenudtul taman te ebpekeeneb diyà te minsan hendei is metazeng he ulaula.

Mateo 21:25

Hentei is mibeg̵ey ki Juan Megbebewtismu te ketenged din te kebpemewtismu? Megbevayà be wey ke etew zà?” Ne zutun mibpein-inseey sikandan is egkag̵i te, “Emun egkeg̵iyen tew he Megbevayà, ed-insà sikandin ke maan is wazè tew tuuwi si Juan.

Mateo 3:5

Ne mezakel he etew is midangep kandin he ebpemuun te inged he Hiruselim wey ziyà te zuma kayi he inged te tivuuk he prubinsya he Hudiya wey zuen daan mezakel pa he etew he ziyà ebpememuun te menge inged he uvey te wahig he Hurdan.

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

Juan 1:38

Midteren si Jesus ne midlilingey ne neehè din he eduma sikandan ne ke sikandin te, “Hengkey is tuyù niw?” Ne ke sikandan te, “Rabi,” he ke và dà egkeg̵iya, Menunudlù, “hendei ka ed-ubpà?”

Juan 5:35

Su si Juan, iring sikandin te sulù he merayag is sig̵a zin, ne meg̵aan dà utew is kelipey niw te kedteyawi zin keniyu, he ke và dà egkeg̵iya, seled te meg̵aan dà utew kew nesuat te penurù din he tutuu.

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Santiago 1:6

Ne emun ebuyù kew te ketau ziyà te kandin kinahanglan he edtuu kew he egkezawat niw te wazà duwazuwa. Su is etew he eduwazuwa, egkehalinhalin layun is isip din. Iring sikandin te vag̵el ziyà te zag̵at he minsan hendei zà duen hiyupa te keramag.