Mateo 10:16 - Manobo Western Bukidnon

¹⁶ Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Mateo 10:16 Cross References

Mateo 24:25

Kenè niw heini lipati su mibpetizeenan ku sikiyu he zaan.

Mateo 24:45

Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Mateo 25:2

Is lelima kandan, ne tulebung; ne is duma zan he lelima, ne memetau.

Mateo 25:4

Ne haazà is memetau, kada sevaha kandan mid-uwit te sulù lapik is gas he intag̵ù te butilya he teg̵ana ke egkeamin is gas dutun te sulù dan.

Mateo 25:9

Ne midtavak haazà is memetau te, ‘Kenà egkehimu su kenà egkampet kenitew te langun is gas he neuwit dey. Hendiyè kew te tindahan wey kew mekepemasa te gas.’

Lucas 10:3

Genat kew en, iyan, andam kew su edsug̵uen ku sikiyu ziyà te menge etew he kumekaid. Iring kew te menge nati he kerehidu ne sikandan ne iring te menge erimaung.

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

Nengeulaula 20:29

Netuenan ku he emun ed-ewaan ku sikiyu, duen edlepew kayi te keniyu he menge menunudlù he is ibpenurù dan, ne ebpekezezaat te upakat ne edèdeetan dan iyan is upakat niw te menge tumutuu.

1 Kurintu 14:20

Kinahanglan, menge suled, he kenà iring te ked-isip te menge vatà is ked-isipa niw kayi. Iyan dà ulaula te vatà he meupiya he ed-iringan, haazà is kenè dan kegketueni te ked-isip te mezaat. Iyan, kinahanglan he iring te ked-isip te meg̵urang is ked-isipa niw kayi.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 11:14

Ne kenè ku heini igkeinuinu su minsan si Setanas, egkehimu zin is dagwey zin he iring te utew merayag he velinsug̵uen te Megbevayà he ebpuun te langit.

2 Kurintu 11:3

Egkeipeng a keniyu su kela ke meengkezi niw is kebpurungi niw kedtumana te menge sug̵ù ni Kristu su kela ke mesahug is kedtuu niw te selakew he edtuuwen. Kela ke meiringi niw si Ibà dengan su mid-akalan sikandin te teruen he uled he iyan si Setanas.

2 Kurintu 8:20

Umba egkesuatan dey he eduma heini is suled tew su wey key kenà medudahi su kela ke zuen egkag̵i he ebpenggemiten dey heini is dekelà he selapì he idhated dey.

Pilipus 2:15

Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

Kulusas 1:9

Ne tenged kayi ibpenigudu zey sikiyu id-ampù puun pa zutun te andew zengan he nezineg dey is tudtul mehitenged te kedtuu niw. Layun dey id-ampù diyà te Megbevayà he veg̵ayi kew zin te kegkesayud te langun he ulaula he ebpeveelan din keniyu, he ke và dà egkeg̵iya, mehimu kew zin he mebmetau ne pinaag̵i te Wag̵as he Mulin-ulin, iveg̵ey zin keniyu is kegketuusi te meupiya wey mezaat.

Kulusas 4:5

Purungi niw, menge suled, te minsan keenu he timpu is ulaula niw ziyà te menge etew he wazè pa medtuu ki Kristu su wey meketuu sikandan te Lalag te Megbevayà.

1 Tiselunika 2:10

Ebpeketistig̵us kew, ne ebpeketistig̵us daan is Megbevayà he hein diyan key te keniyu te nemeketuu wazà igkesewayi te menge ulaula zey, kekenà, metazeng key wey metinumanen key te egkesuatan te Megbevayà.

1 Tiselunika 5:22

Likayi niw is minsan hengkey he mezaat.