Mateo 10:1 - Manobo Western Bukidnon

¹ Ne midtig̵um ni Jesus diyà te kandin is menge sepulù wey zezuwa he sumusundan din, ne mibeg̵ayan din sikandan te g̵ehem wey zan meulii is edlelungen te mezaat he mulin-ulin, wey zan daan mevewii is minsan hengkey he zaru wey ebpenggezamen te menge etew.

Mateo 10:1 Cross References

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 26:20

Ne te kegkezukilem dutun, si Jesus wey sikan is sepulù wey zezuwa he menge sumusundan din, diyè dan te lemisahan.

Mateo 26:47

Ne te kemulu pa zutun egkag̵i si Jesus, nekeuma si Hudas is sevaha zuen te sepulù wey zezuwa he epustul. Duma zin is mezakel he menge etew he nengeg̵umeenan te menge ubpit wey menge lagkut. Menge sug̵ù haazà te menge punuan te memumuhat wey menge ebmeg̵urangen te menge Hudiyu.

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Mateo 9:35

Ne neeneb ni Jesus is langun he menge inged dutun wey menge unayan. Mibpenurù din is menge etew zutun diyà te seled te menge simbahan dan wey impesavut din diyà te kandan is Meupiya he Tudtulanen te keag̵i te kedhadì te Megbevayà. Nengeulian din is menge etew te minsan hengkey he zaru wey ebpenggezamen dan.

Mateo 9:38

Iampù niw ziyà te Nengazen he sug̵ua zin pa zini te kamet din is duma pa he ebpekelegtey.”

Lucas 10:19

Tentenuzi niw heini he mibeg̵ayan ku sikiyu te g̵ehem he minsan ke ebpekeg̵iek kew te uled wey venayew ne kenè kew edhereg̵en. Ne kenè kew zaan egkezaag te g̵ehem te ukag tew he si Setanas ne wazà minsan hengkey he ebpekekaid keniyu.

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

Lucas 24:49

Ne edsug̵uen ku zini te keniyu is Wag̵as he Mulin-ulin he impesarig te Amey ku he Megbevayà. Iyan, dini kew tag̵ad te inged he Hiruselim taman te kenè kew pa egkevulusan te g̵ehem din he ebpuun te langit.”

Lucas 6:13

Ne hein nepawà dutun ne miburun din is menge sumusundan din ne mibpilì din dutun is sepulù wey zezuwa ne migeraran din haazà he menge epustul.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 3:27

Ne midtavak si Juan te, “Wazà gehem te minsan hentei ke wazà iveg̵ey kandin te Megbevayà.

Juan 3:35

Utew mahal ziyà te g̵ehinawa te Amey tew he Megbevayà is Anak din, ne insarig din kandin is kebayàbayà te langun.

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 19:15

Ne zutun midtavak haazà is mezaat he mulin-ulin te, “Egkekilala ku si Jesus ne netuenan ku zaan is etew he egngezanan ki Pablo, iyan sikiyu, hentei kew vuwa?”

Impezayag 12:1

Ne zutun neehè ku ziyà te langit is kebpeelunga te egkeulaula. Neehè ku is bahi he midsun-uzan te andew ne ziyà te zizalem te paa zin is bulan, ne insuup diyà te ulu zin is kuruna he sepulù wey zezuwa he vituen.