Mateo 1:19 - Manobo Western Bukidnon

¹⁹ Ne si Jose, kenà sikandin edsuwey te kesug̵uan he imbilinbilin ni Moises, ne tenged kayi, kenè din edleusen te ed-esawa si Maria, iyan, kenè din daan egkesuatan he meeled-eled si Maria, umba ed-isipen din he edhusayen dà heini te meeles.

Mateo 1:19 Cross References

Marcos 10:4

Ne midtavak dan te, “Intug̵ut ni Moises diyà te maama he suwayi zin is esawa zin, asal kinahanglan he ebeg̵ayan dutun te maama is esawa zin te kemetuuzan he midsuwayan din.”

Marcos 6:20

Ne si Hadì Hirudis, egkehandek sikandin ki Juan su netuenan din he metazeng he etew si Juan he ed-ulinan te Megbevayà. Umba wazè din itug̵ut he mehimetayi. Egkesuatan ni Hirudis te ebpemineg is kebpenurù ni Juan, iyan, ingkeliveg din haazà is penurù.

Lucas 2:25

Ne zuen dutun maama he ed-ubpà diyà te Hiruselim he egngezanan ki Simeon. Metazeng haazà he etew he layun edsimba te Megbevayà. Kenà egkeawà diyà te g̵ehinawa zin is kebperetenga zin te kegketuman te midtagnà dengan he zuen timpu he edlibriyen te Megbevayà is nengepilì din he menge etew he menge kevuwazan ni Israyil. Layun ed-ulinan si Simeon te Wag̵as he Mulin-ulin.

Nengeulaula 10:22

Ne migkag̵i zan te, “Impehendini key ni Kepitan Cornelio. Metazeng sikandin he etew. Ed-azap sikandin te Megbevayà, ne telehuzen daan sikandin te langun he menge Hudiyu. Migkeg̵iyan sikandin te velinsug̵uen te Megbevayà te, ‘Ipaangey nu si Simon Pedro wey nu mezineg is ibpesavut din,’ ” ke sikandan.

Nengeulaula 27:39

Ne hein nepawà dutun, haazà is tanà he neuvayan dey, wazà mekilala te menge terebahanti zutun te barku. Neehè dan is nekesuyuk he zag̵at ne zuen dutun beyvey he pantad. Ne neisip dan dutun he ke egkehimu, meupiya ke igkepezunggù dan haazà is barku.

2 Kurintu 1:15

Ne g̵eina te netuenan ku he siguradu nesavut niw en heini, neisip ku he edhuna a ebpenumbaley ziyan te keniyu su wey kezezuwa ku sikiyu metevangi