Lucas 9:59 - Manobo Western Bukidnon

⁵⁹ Ne migkag̵i si Jesus diyà te sevaha he etew, ke sikandin te, “Sundan ka kedì.” Iyan, migkag̵i haazà is migkeg̵iyan din te, “Datù, ed-ulì e zè pa su kenè e pa ebpekezuma kenikew taman te kenè pa egketapus is umur te amey ku. Ne emun igkeleveng ku en ne human a eduma kenikew.”

Lucas 9:59 Cross References

Mateo 16:24

Ne zutun migkag̵i si Jesus diyà te menge sumusundan din te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan ke iyan ibpatey zin. Ne human ebpekesunud kedì.

Mateo 6:33

Iyan, sikiyu mulà, kinahanglan he iyan mahal ziyà te g̵ehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeg̵ey zin keniyu is langun he egkinehenglanen niw.

Mateo 9:9

Ne mid-ewaan sikandan ni Jesus ne zutun te ibayè din neehè din is menunukut te vuhis he egngezanan ki Mateo he zutun he timpu ebpimpinuu ziyà te upisina zin. Migkeg̵iyan ni Jesus te, “Sunud ka kedì.” Ne zutun midhitindeg si Mateo ne midsunud ki Jesus.

Lucas 9:60

Ne midtavak si Jesus dutun te etew te, “Iyan nu ipeleveng te menge minatey sikan is wazà mekezawat te untung he wazà pidtemanan su iyan ku ibpeveelan kenikew is kebpenudtul te Meupiya he Tudtulanen te kedhedii te Megbevayà te menge etew.”