Lucas 9:50 - Manobo Western Bukidnon

⁵⁰ Ne migkag̵i si Jesus diyà te kandin te, “Kenè niw zewaya is ed-ulaula te iring dutun su is etew he kenè tew kuntada, ne edtavang kenitew.”

Lucas 9:50 Cross References

Mateo 12:30

Sikan is kenè ku zuma, kuntada ku; sikan is kenà edtavang kedì, edsanggen kediey.

Mateo 17:24

Nekeume en si Jesus wey menge sumusundan din diyà te inged he Kepirnaum. Ne mid-uvayan si Pedro te menge menunukut te ibayad dutun te Valey te Megbevayà. Ne mid-insà sikandan te, “Is menunudlù niw, ebayad be sikandin te ebpeveyazan kandin te Valey te Megbevayà?”

Mateo 17:26

Ne ke si Jesus te, “Ne emun iyan heeyan, ne kenè en ebpekevayad is menge mesipeg te hadì. Ne sikita is mesipeg diyà te Megbevayà, kenà daan kinahanglan he ebeyazan ta is ebpeveyazan te valey zin.

Marcos 9:38

Ne migkag̵i si Juan diyà te ki Jesus te, “Duen etew he neuma zey he ebewian din is menge etew he edlelungen te mezaat he mulin-ulin. Ne egemiten din is ngazan nu zutun te kebpemawì din. Ne midawey zey su kenà ebpekiduma kenitew.”

Marcos 9:41

Utew venar is egkeg̵iyen ku keniyu he ke zuen etew he ebeg̵ayan kew zin te minsan sengetasa zà he wahig ne iyan din ibeg̵ayi keniyu is tenged te sumusundan ku sikiyu te mibpilì te Megbevayà, kenà egkehimu he kenà sikandin edsuhulan te Megbevayà tenged dutun te mid-ulaula zin.

Lucas 11:23

Ne mid-uman megkag̵i si Jesus te, “Sikan is kenè ku zuma, ne kuntada ku; sikan is kenà edtavang kedì, ne edsanggen kediey.

Lucas 16:13

Ne mid-uman megkag̵i si Jesus te, “Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.”

1 Kurintu 12:3

Ne tenged kayi ibpesavut ku zaan keniyu he ke zuen etew he ed-ulinan te Wag̵as he Mulin-ulin, kenà egkehimu he egkeg̵iyen din he zait he edrewaken si Jesus, ne iring din ded daan kenà egkehimu he egkeg̵iyen din he Nengazen din si Jesus emun kenà pinaag̵i te ked-ulini kandin te Wag̵as he Mulin-ulin.