Lucas 9:45 - Manobo Western Bukidnon

⁴⁵ Ne is menge sumusundan din, wazè dan dutun mesavut is ibpesavut ni Jesus. Wazà ipesavut te Megbevayà kandan su wey kenè dan metueni. Ne wazè dan mekeaku he ed-insà kandin ke hengkey is kehulug̵an dutun.

Lucas 9:45 Cross References

Mateo 16:22

Ne zutun insivey sikandin ni Pedro, ne ke si Pedro te, “He Nengazen, berakat he kenà tumana te Megbevayà heini is migkag̵i nu.”

Mateo 17:22

Netig̵um is menge sumusundan din diyà te prubinsya he Geliliya. Ne zutun migkag̵i si Jesus diyà te kandan te, “Siak is Kakey te Menusiyà, duen timpu he ibpalad a ziyà te menge kuntada ku ne edhimetayan e zan,

Marcos 9:10

Ne midtuman dan haazà is lalag kandan ni Jesus, iyan, mibpein-inseey zan is tetelu ke hengkey is ibpesavut ni Jesus te kegkag̵i zin he ebenhawen sikandin.

Marcos 9:32

Ne haazà is migkag̵i ni Jesus, wazà mesavut dutun te menge sumusundan din, ne egkehandek dan daan he ed-insà kandin ke hengkey is ibpesavut din dutun.

Lucas 18:34

Iyan, haazà is menge sumusundan din, ne wazè dan mekesavut dutun te egkeg̵iyen din. In-eles kandan haazà is kehulug̵an dutun ne wazè dan metueni ke hengkey haazà is ibpesavut kandan ni Jesus.

Lucas 2:50

Iyan, wazè dan mesavut ke hengkey is kehulug̵an dutun te migkag̵i zin.

Lucas 9:46

Sevaha he andew zutun ebpelewlewanà is menge sumusundan ke hentei is lavew kandan.

Juan 12:16

Ne haazà is kedseled ni Jesus diyà te Hiruselim, wazè pa mesavut te menge sumusundan din he kegketuman haazà te netagnà dengan, asal, hein midlikù en si Jesus diyà te langit, netenuzan dan is mibeelan din ne nesavut dan he neulaula heini sumalà is netagnà dengan diyà te insurat he Lalag te Megbevayà.

Juan 12:34

Ne migkag̵i zutun is menge etew te, “Duen impenurù kenami he ebpuun te insurat he Lalag te Megbevayà he kenè en ebpatey is mibpilì te Megbevayà he ibpahadì. Ne sikew, egkag̵i ka he ibayew ziyà te tukud is Kakey te Menusiyà. Hentei heini is egkeg̵iyen nu he Kakey te Menusiyà?”

Juan 14:5

Ne migkeg̵iyan si Jesus ni Tomas te, “Wazè dey metueni ke hendei ka ebpevayà. Ebmenmenuwen dey ve te kegketureduwa zey te ibayè nu?”

Juan 4:33

Ne zutun mibpein-inseey zan te, “Duen be vuwa nekeveg̵ey kandin te egkeenen?”