Lucas 9:35 - Manobo Western Bukidnon

³⁵ Ne nezineg dan is midtik-ew megkag̵i he ebpuun dutun te g̵apun te, “Iyan heini Anak ku he mibpilì ku he ibpahadì. Pemineg̵a niw is menge lalag din.”

Lucas 9:35 Cross References

Mateo 12:18

“Iyan heini sulug̵uen he pinilì ku. Iyan sikandin utew ku minahal ne utew ku egkesuati is menge vaal zin. Ebpeulinan ku sikandin te Wag̵as he Mulin-ulin, ne is metazeng he kukuman ku, edtudtulen din diyà te tivuuk he menusiyà.

Mateo 3:17

Ne zutun nezineg is Megbevayà diyà te langit he egkag̵i, ke sikandin te, “Iyan heini Anak ku he utew ku minahal. Utew ku sikandin igkelipey.”

Marcos 1:11

Ne zutun nezineg is Megbevayà diyà te langit he egkag̵i te, “Minahal ku sikew he anak ku. Utew ku en sikew igkelipey.”

Lucas 9:34

Ne zutun te kemulu pa egkag̵i si Pedro, neselikuvungan sikandan te g̵apun ne utew zan nengehandek is tetelu he sumusundan dutun te kegkeselikuvungi kandan te g̵apun.

Juan 12:28

Ne zutun migkeg̵iyan ni Jesus is Amey zin he Megbevayà, ke sikandin te, “Amà, himuwa nu he mevantug ka te menge etew.” Ne zutun duen lalag he ebpuun te langit he egkag̵i te, “Midhimu ku en, ne ed-umanan ku edhimuwa.”

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Hibriyuhanen 2:3

Ne iring din ded daan, sikitew is menusiyà, kenè kiw zaan ebpekelikey te silut te Megbevayà emun ebey-anan tew, ne kenè tew edtumanen is impenurù kenitew mehitenged te mekeg̵eg̵ehem he kedlibriya zin kenitew te silut. Is nehuna he nekepenudtul kayi, ne iyan en is Nengazen tew he si Jesus. Ne is menge etew he nemekezineg kandin, edtistig̵usan dan dini te kenitew he tutuu heini.

Hibriyuhanen 3:15

Su iring te Lalag te Megbevayà he insurat ku en he edhenduen te, “Guntaan, emun egkezineg niw is lalag keniyu te Megbevayà, kinahanglan he kenà mezesen is gehinawa niw iring te g̵ehinawa niw zengan hein midsukulan niw is Megbevayà.”

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.