Lucas 9:24 - Manobo Western Bukidnon

²⁴ Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he minsan ibpatey zin pa is kedsunud din kedì, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Lucas 9:24 Cross References

Mateo 10:39

Sikan is egkenug̵unan din is untung din dini te kelibutan, nasì egkeawà diyà te kandin is untung din. Iyan, sikan is edtumanen din is menge sug̵ù ku, minsan ke iyan ibpatey zin, ebeg̵ayan sikandin te untung he wazà din pidtemanan.

Lucas 17:33

Sikan is etew he egkenug̵unan din is untung din kenà is kedsundan din kedì, ne nasì kenà ebpekeangken te untung he wazà pidtemanan. Ne sikan is etew he kenè din egkenug̵unan is untung din tenged te kedsundan din kedì, ebeg̵ayan sikandin te untung he wazà pidtemanan.

Juan 12:25

Is etew he egkenug̵unan din is untung din dini te kelibutan, ebpatey sikandin gihapun, iyan, is etew he tenged kediey kenè din egkenug̵unan is untung din dini te kelibutan, egkekuwa zin is untung he wazà pidtemanan.

Hibriyuhanen 11:35

Ne zuen daan menge vahi zengan he zekelà is kedtuu zan ne pinaag̵i kayi nevanhew is menge anak dan he minatey en. Ne zuen pa zaan menge tumutuu zengan te Megbevayà he midakep, ne minsan pa te midrasey sikandan taman te kebpatey, wazè dan medlekà te kedtuu zan su wey sikandan keuzemà egkevanhew zutun te tuwas pa he meupiya he untung.

Impezayag 12:11

Heini is menge suled tew, nezaag dan en si Setanas tenged te kedtig̵is te lengesa te migeraran he impemuhat he nati he kerehidu, wey tenged te insangyew zan is tutuu he tuluuwen, wey tenged daan te wazè dan iyan menug̵uni is untung dan, kekenà, mibpehimatey zan tenged te kedtuu zan.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.