Lucas 9:16 - Manobo Western Bukidnon

¹⁶ Ne migkuwa zutun ni Jesus haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Ne mibpenevìtevì din. Ne minsan pa zutun kenà egkeamin haazà is edtevien din. Ne imbeg̵ey zin diyà te menge sumusundan din haazà is nengetevì wey zan ikepemeg̵ey zutun te menge etew.

Lucas 9:16 Cross References

Mateo 14:19

Ne zutun migkeg̵iyan din is menge etew he mebpinuu zan diyà te tanà; ne migkuwa zin haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Mibpenevìtevì din is menge supas, ne imbeg̵ey zin diyà te menge sumusundan din. Ne minsan pa zutun wazà maamin haazà is supas. Ne midtukid te menge sumusundan din pemeg̵ayi zutun is menge etew.

Mateo 15:36

Ne zutun migkuwa zin haazà is pitu he supas wey menge pait ne mibpeselamatan din te Megbevayà. Ne mibpenevìtevì din ne imbeg̵ey zin diyà te menge sumusundan din haazà ne intukid te menge sumusundan din ipemeg̵ey haazà diyà te menge etew.

Marcos 7:34

Ne midlingahà si Jesus diyà te langit ne migeg̵ehinawa te mezalem ne ke sikandin te, “Ipata!” he ke và dà egkeg̵iya, “Mepuwasi!”

Lucas 22:19

Ne zutun mid-amì si Jesus dutun te egkeenen dan he supas ne mibpeselematan din daan haazà te Megbevayà. Ne mibpenevìtevì din ne impenduwal zin kandan, ke sikandin te, “Iyan heini lawa ku he ibelukas keniyu. Emun egkeenen niw heini isipa a keniyu.”

Lucas 24:30

Ne hein diyè dan en te valey ne mibpinuu zan is egkaan. Ne si Jesus, migkuwa zin is egkeenen dan he supas. Ne mibpeselematan din te Megbevayà ne mibpenevì din ne human din ipemeg̵ey kandan.

Lucas 9:15

Ne zutun impemepinuu zan haazà is langun he menge etew.

Lucas 9:17

Ne is kada sevaha zutun te menge etew, nekekaan ne nahantey. Ne haazà is egkeenen, ne nesemaan pa te sepulù wey zezuwa he vinevey is nehimes he menge tevì te supas te menge sumusundan din.

Juan 6:11

Ne migkuwa ni Jesus haazà is menge supas ne mibpeselematan din te Megbevayà, ne impepenalad din dutun te impemepinuu he menge etew. Ne iring din ded daan sikan is menge pait, taman te nengehantey haazà is menge etew. Ne minsan pa zutun, wazà maamin haazà is supas wey pait.

Juan 6:23

Ne zutun te uvey te lugar he zutun nemekekaan sikan is menge etew te supas he mibpeselematan te Nengazen he si Jesus, duen nemekezunggù he menge avang he ziyà ebpemuun te inged he Tibiryu.

Nengeulaula 27:35

Ne te nekag̵i ni Pablo haazà, migkuwa te supas ne mibpeselematan din te Megbevayà ne mibpenevìtevì din ne migkaan din.

Ruma 14:6

Su is etew he egkeisip din he utew mahal is sevaha he andew, ne umba egkeisip din is iring dutun su wey mesuat is Megbevayà. Ne iring din ded daan is etew he egkaan te minsan hengkey, umba egkeenen din su egkeisip din he iyan haazà egkesuatan te Megbevayà ne egkepeselematan din haazà te Megbevayà. Ne is etew he menge lumbey zà is idsezè din, ne umba iyan dà haazà idsezè din su egkeisip din he iyan haazà egkesuatan te Megbevayà ne egkepeselematan din daan haazà te Megbevayà.

1 Kurintu 10:30

Penenglitan,” ke sikandin, “ke ebpeselematan ku te Megbevayà is egkeenen ku, maan is egkeg̵iyen te zuma he mezaat he ulaula is kegkeena ku te mibpeselematan ku?”

1 Kurintu 11:24

ne mibpeselematan din te Megbevayà, ne mibpenevìtevì din ne ke sikandin te, “Iyan heini lawa ku he ibpemuhat wey kew melibri te silut. Layun niw heini keena te iring kayi he paag̵i su wey a keniyu kenà melipati.”