Lucas 9:12 - Manobo Western Bukidnon

¹² Ne hein mahapun en mid-uvayan si Jesus te sepulù wey zezuwa he menge sumusundan din. Ke sikandan te, “Ipeg̵enat nu en is menge etew wey zan mekehendiyà te menge unayan wey menge inged su wey zan mekepen-ahà te egkekaan dan wey egkehizeg̵aan dan su wazà egkekuwa zan dini te wazà duen ed-ubpà he etew.”

Lucas 9:12 Cross References

Mateo 14:13

Ne hein netuenan eni Jesus is nehitavù ki Juan, mid-untud dan te avang ne mid-awè dan dutun te iyan dan dà su edhendiyè dan te wazà duen etew. Iyan, hein netuenan te mezakel he menge etew, ne mid-awè dan diyà te menge inged dan is ebpemeyvey he edtelukun ki Jesus.

Mateo 15:23

Iyan, kenà edseg̵ipaan ni Jesus. Ne zutun, mid-uvayan si Jesus te menge sumusundan din; ne midhangyù dan he ke sikandan te, “Ipeulì nu heeyan is bahi su kenà edsuwey kenitew he ebpekeuringer.”

Mateo 15:32

Ne mid-umew ni Jesus is menge sumusundan din, ke sikandin te, “Kehizu kayi he menge etew su tetelu en he kezukileman is wazè dan medsuwey kediey, ne wazè dan en egkekaan. Kenà meupiya he ebpekeulì sikandan te wazè dan mekekaan su kela ke luyahi sikandan diyà te zalan.”

Lucas 9:11

Ne netuenan te nerivurun he mezakel he menge etew he midhipanew ensi Jesus ne nemenelukun dan. Ne migalewg̵alew sikandan ni Jesus ne impesavut din kandan is mehitenged te kedhadì te Megbevayà ne mibpemewian din daan is menge etew zutun te minsan hengkey he ebpenggezamen dan.

Lucas 9:13

Iyan, midtavak si Jesus te, “Iyan kew mebeg̵ey te egkekaan dan.” Ne midtavak haazà is menge sumusundan din te, “Lelelima zà he vuuk he supas wey zezuwa he zezeisek he pait is naazen tew he egkeenen. Kela ke egkesuatan nu he edhipanew key te kebpemasa te ibpekaan tew kayi te utew mezakel he menge etew,” egkag̵i zan.

Juan 6:1

Ne neipus heini mid-awà si Jesus dutun ne midhendiyà te tanà he ziyà layun te ranew he Geliliya, he migngezanan daan te Tibiryu.

Pilipus 1:19

Kenà egkeawà is kelipey ku su netuenan ku he ibpaawà a kayi te pirisuwan tenged te ked-empua niw kedì wey tenged te tavang te Wag̵as he Mulin-ulin he midtevangan din daan si Jesu Kristu.