Lucas 9:1 - Manobo Western Bukidnon

¹ Ne midtig̵um ni Jesus sikan is sepulù wey zezuwa he menge sumusundan din. Ne kada sevaha kandan, mibeg̵ayan din te g̵ehem su wey zan mevewii is egkengezeruwan wey ikepemeg̵uwè is menge mezaat he mulin-ulin.

Lucas 9:1 Cross References

Mateo 16:19

Ne idsarig ku kenikew is kebayàbayà emun edhadì is Megbevayà he ziyà te langit. Ne kinahanglan he is idawey nu zini te kelibutan, indawey en he zaan te Megbevayà he ziyà te langit; ne is idtug̵ut nu zini te tanà, intug̵ut en he zaan te Megbevayà he ziyà te langit.”

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 8:9

Netuenan ku heini su iring te zuen ebayàbayà kedì, ne zuen daan menge sundaru he ebeyveyaan ku. Ne edsug̵uen ku is sevaha he medhipanew ne edhipanew en. Ne edtewag̵en ku is sevaha he medhendini ne edhendini en; ne edsug̵uen ku zaan is sulug̵uen ku ke zuen ebpeveelan ku ne ebeelan din en. Ne iring din ded daan diyan te kenikew su is egkeg̵iyen nu ne egkehimu en.”

Lucas 10:1

Ne hein neipus heini, duen daan kepituwan wey zewuwa he menge maama he nepilì te Nengazen he si Jesus su ibpehuna zin ibpehipanew te tigduwazuwa ziyà te langun he menge inged he ebpemeyaan din daan.

Lucas 10:19

Tentenuzi niw heini he mibeg̵ayan ku sikiyu te g̵ehem he minsan ke ebpekeg̵iek kew te uled wey venayew ne kenè kew edhereg̵en. Ne kenè kew zaan egkezaag te g̵ehem te ukag tew he si Setanas ne wazà minsan hengkey he ebpekekaid keniyu.

Juan 14:12

Utew venar is egkeg̵iyen ku keniyu he ke zuen edtuu kediey, egkehimu zin is nengeveelan ku, asal lavew pa he mekeg̵eg̵ehem is egkeveelan din tenged te ed-ulì a ziyà te Amey ku he Megbevayà.

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 3:16

Ne iyan nekeulì kayi te kenà ebpekehipanew is gehem te ngazan ni Jesus. Heini is etew he kilala niw he neehè niw g̵untaan, tenged te kedtuu zey ki Jesus neulian heini kayi te etuvangan niw su nekesarig key te g̵ehem te ngazan ni Jesus.

Nengeulaula 4:30

Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeehè dey pinaag̵i te g̵ehem te ngazan ni Jesus he pinilì nu he sulug̵uen nu.”

Nengeulaula 9:34

Ne migkeg̵iyan sikandin ni Pedro te, “He Iniyu, ebewian ka ni Jesu Kristu.” Enew ka ne tepiza nu is menge g̵elemiten nu te kedhizeg̵à. Ne zutundutun neulian si Iniyu ne mid-enew.