Lucas 8:5 - Manobo Western Bukidnon

⁵ “Duen etew he midhendiyà te pemuleey zin su ebpemula. Ne haazà is benì din, duen dutun nengeulug diyà te zalan ne nengeg̵iekan te etew ne migkaan te menge tagbis.

Lucas 8:5 Cross References

Mateo 13:37

Ne midtavak si Jesus te, “Siak is Kakey te Menusiyà, iyan a sikan is etew he ebpemula te meupiya he pinemula.

Mateo 5:13

Sikiyu is menge sumusundan ku, iring kew te timus he ibmeupiya te egkeenen su iyan kew ibmeupiya te tivuuk he menusiyà. Iyan, emun egkeawà diyà te timus is taam din wazè en paag̵i he egkehimu te kebpelikua te taam din. Ne wazè en pulus dutun te timus he wazà taam; idtimbag dà ne egketekutakan te menge etew.

Marcos 4:15

Ne is benì, ne iyan is Lalag te Megbevayà he zuen nemekezineg duen, iyan, midlepew si Setanas ne midhimu zin he melipati zuen te nekezineg sikan is lalag he nezineg dan.

Lucas 8:4

Ne zutun he timpu layun duen menge etew he egkengetig̵um diyà te ki Jesus he ebpemuun diyà te langun he menge inged. Ne hein nengetig̵um is utew mezakel he menge etew impezineg kandan ni Jesus is sempità, ke sikandin te,

Lucas 8:6

Ne zuen daan benì din he nengeulug he nemekeuntud diyà te menipis he tana he nekeapid te vatu ne midtuvù haazà, iyan, petuluy zà neg̵angu su nemezahan haazà is tanà.

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.