Lucas 8:45 - Manobo Western Bukidnon

⁴⁵ Ne redsà dutun ne migkag̵i si Jesus te, “Hentei is migawed kedì?” Ne is menge etew zutun, pudu mibarew he wazè dan mekeg̵awed. Ne migkag̵i si Pedro te, “Datù, maan is ebpenginginsè ke pa te iring keniyan, te hanu man mezakel utew he menge etew is edlilipitlipit diyan te kenikew.”

Lucas 8:45 Cross References

Lucas 19:43

Ne zuen andew he zutun egkeumahan kew te menge kuntada niw ne egkelingutan kew ne edtebeken kew zan ne kenè kew ebpekeg̵awas dutun.

Lucas 5:5

Ne midtavak si Simon te, “Tivuuk he kezukileman is kebpenlaya zey ne wazè dey neutel he minsan sevaha, iyan, emun iyan heeyan lalag nu ne ed-uman key ebpenlaya.”

Lucas 8:44

Ne mibpenlietliet medhendiyà te egkeiniyug̵an ni Jesus ne midsengkawad din kevita is sidsid te kumbalà ni Jesus. Ne zutundutun ne mid-engked is kegkevusbusi kandin.

Lucas 9:13

Iyan, midtavak si Jesus te, “Iyan kew mebeg̵ey te egkekaan dan.” Ne midtavak haazà is menge sumusundan din te, “Lelelima zà he vuuk he supas wey zezuwa he zezeisek he pait is naazen tew he egkeenen. Kela ke egkesuatan nu he edhipanew key te kebpemasa te ibpekaan tew kayi te utew mezakel he menge etew,” egkag̵i zan.