Lucas 8:39 - Manobo Western Bukidnon

³⁹ “Ulì ke en ne tudtula nu ke hengkey is utew meupiya he midhimu te Megbevayà kenikew.” Ne zutun, mid-ulì haazà is maama ne mibpenudtul zin duen te langun he menge meg̵inged dutun ke hengkey is midhimu ni Jesus diyà te kandin.

Lucas 8:39 Cross References

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 5:18

Ne hein ed-untud en si Jesus duen te avang, sikan is etew he neulian te kedsuuki kandin te menge mezaat he mulin-ulin, midhangyù sikandin he eduma ki Jesus.

Marcos 5:19

Iyan, wazà medtug̵ut si Jesus he meduma kandin haazà is etew, kekenà, migkeg̵iyan din te, “Ulì ke en ne tudtula nu te kezuzumahi nu is utew zekelà he utew meupiya he midhimu te Nengazen diyà te kenikew wey is hizu zin kenikew.”

Lucas 8:38

Ne zutun, haazà is etew he veg̵u he neulian, midhangyù sikandin ki Jesus, ke sikandin te, “Egkesuat a he eduma kenikew.” Iyan, wazà ipezuma ni Jesus, kekenà, impeulì din. Ke si Jesus te,

Lucas 8:40

Ne hein nekezunggù ensi Jesus dutun te ebpuunan dan ne utew nengeg̵alew is utew mezakel he menge etew he nengetig̵um dutun su edtag̵ad dan kandin.

Juan 4:29

“Hendiyè kiw en wey niw maahà is etew he neketagnà te langun he nengeveelan ku. Kela ke iyan sikandin sikan is mibpilì te Megbevayà he ibpahadì.”

1 Timoteo 5:8

Su ke zuen tumutuu he kenè din ed-elimahan is menge edsarig kandin, lavew en sikandan he ziyà ed-ubpà te valey zin, mid-engkezan din en is kedtumana zin te tuluuwen tew. Meupiya pa sikan is wazà meketuu kenà sikandin.