Lucas 8:24 - Manobo Western Bukidnon

²⁴ Ne mid-uvayan dan si Jesus ne mibpukew zan, ke sikandan te, “He Zatù, egkengeg̵erè kiw en!” Ne nepukew zutun si Jesus ne mid-enew ne migkeg̵iyan din haazà is keramag wey haazà is menge zekelà he vag̵el he mebpeeneng-eneng dan, ne zutun ne mibmelinew utew haazà is ranew.

Lucas 8:24 Cross References

Mateo 14:30

Ne hein neg̵ezam din he utew mevendes is keramag dutun, ne netik-ew sikandin mahandek ne idteledted en sikandin. Ne segugunà sikandin nekekulahì te, “Tevangi a!”

Mateo 8:25

Ne mid-uvayan sikandin te menge zuma zin su ebpukawen dan. “Tevangi key, Datù,” ke sikandan, “su egkelavu en heini is avang ne egkengeg̵erè kiw en.”

Marcos 4:39

Ne zutun nepukew si Jesus ne mid-enew ne migkeg̵iyan din haazà is keramag wey vag̵el he med-engked dan. Ne mid-engked haazà is keramag ne mibmelinew utew haazà is wahig.

Lucas 4:35

Ne zutun midawey ni Jesus haazà is mezaat he mulin-ulin ne ke sikandin te, “Med-engked ka ne awè ka ziyan te kandin!” Ne zutun mibpengelinteuwan duen te mezaat he mulin-ulin he mekebadas diyà te tanà dutun te etuvangan te langun he menge etew haazà is edlelungen din. Ne mid-awà sikandin ne wazè din mekeizi haazà is etew he midlalung din.

Lucas 4:39

Ne mid-uvayan ni Jesus haazà, ne mibpengelinteuwan din he maawà haazà is dateng din. Ne zutundutun neulian haazà is bahi. Ne zutun mid-enew ne midsuba sikandin te ibpekaan din engki Jesus.

Lucas 5:5

Ne midtavak si Simon te, “Tivuuk he kezukileman is kebpenlaya zey ne wazè dey neutel he minsan sevaha, iyan, emun iyan heeyan lalag nu ne ed-uman key ebpenlaya.”

Lucas 8:25

Ne migkag̵i dutun si Jesus diyà te menge sumusundan din te, “Maan is wazè niw kedsarig kediey?” Ne utew zan nengeinuinu wey nengehandek. Ne zutun neked-iinseey sikandan te, “Hentei heini vuwa he etew? Maan is minsan keramag wey vag̵el ne ebpemineg te lalag din?”