Lucas 8:16 - Manobo Western Bukidnon

¹⁶ Ne zuen pa sempità he migkag̵i ni Jesus, ke sikandin te, “Is etew he edtemtem te sulù, ne kenà egkehimu he ebpelengkevan din te revan wey ke idsihung din be te vangkù he hizeg̵aan su idsavuk din diyà te selevukà. Ne emun duen etew he edseled ne egketeyawan.”

Lucas 8:16 Cross References

Lucas 11:33

Ne mid-uman megkag̵i si Jesus te, “Wazà etew he edtemteman din is sulù ne id-eles din, ne emun kenà, ne ebpelengkevan din te revan, kekenà, diyè din idsavuk te sevukà, ne emun duen etew he edseled ne egketeyawan.

Lucas 8:15

Ne haazà is benì he ziyà mengeulug te meupiya he tanà, ne iyan egkeg̵iyen dutun is Lalag te Megbevayà he nezineg te menge etew ne midawat dan, ne midtuman dan haazà, ne mibpeniguduwan dan te edtuman taman te mibpulus te zekelà is Lalag te Megbevayà diyà te kandan.”

Nengeulaula 26:18

Ne is ibpesavut nu kandan, egkehimu he iyan igkeawà te kegkelakap dan te kedtuu wey zan daan meewai is merusirem ne medhalin dan diyà te merayag. Ne pinaag̵i kayi egkepeleg̵uyan dan is kebeyveyai kandan ni Setanas ne ebpekepesakup dan te Megbevayà. Ne egkepesaylu is menge salè dan tenged te kedtuu zan kedì ne egkehimu zan daan he menge tumutuu he pinilì te Megbevayà.’

Impezayag 1:20

Ibpesavut ku kenikew is in-eles dengan he kehulug̵an kayi te pitu he vituen he neehè nu he egewezan ku te kewanan he velad ku wey is kehulug̵an kayi te pitu he sulù he vulawan. Is pitu he vituen, iyan alung te pitu he velinsug̵uen te Megbevayà he ebantey te pitu he gurupu te menge tumutuu. Ne heini is pitu he sulù, ne iyan sikan is pitu he gurupu te menge tumutuu.”

Impezayag 11:4

Ne haazà is dezuwa he etew he menwewali, iyan sikan is netagnà dengan he zezuwa he etew he iring te zezuwa he kayu he ulivu wey zezuwa he sulù he ziyà mekesavuk te etuvangan te Nengazen he ebayàbayà te tivuuk he kelibutan.