Lucas 8:12 - Manobo Western Bukidnon

¹² Ne haazà is benì he ziyà mengeulug te zalan, ne iyan is Lalag te Megbevayà he nezineg te menge etew ne zutun ebpekeuma si Setanas ne edhimuwen din he egkelipatan dan haazà is lalag he nezineg dan su wey kenè dan meketuu ne kenà melibri te silut.

Lucas 8:12 Cross References

Mateo 13:19

Ke zuen menge etew he egkezineg dan is lalag mehitenged te kedhadì te Megbevayà, iyan, kenè dan edsevuten, ne iring haazà te venì he ziyà mengeulug te zalan. Edlepew si Setanas ne ed-eg̵awen din haazà is lalag he nezineg dan.

Mateo 13:4

Ne zutun te kebpemula zin duen benì he nengeulug diyà te zalan, ne heini migkaan te menge tagbis.

Marcos 4:15

Ne is benì, ne iyan is Lalag te Megbevayà he zuen nemekezineg duen, iyan, midlepew si Setanas ne midhimu zin he melipati zuen te nekezineg sikan is lalag he nezineg dan.

Lucas 8:11

Ne ke si Jesus te, “Ibpesavut ku keniyu is kehulug̵an kayi te sempità. Haazà is benì, ne iyan is Lalag te Megbevayà.

Lucas 8:13

Ne haazà is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg ne edtuuwan dan. Iyan, kenà egkeheg̵et is kedtuu zan ne kenè en utew egkeug̵et dutun emun egezaman ni Setanas is kedtuu zan, ne edlikù dan diyà te zaan he ulaula zan.

Lucas 8:5

“Duen etew he midhendiyà te pemuleey zin su ebpemula. Ne haazà is benì din, duen dutun nengeulug diyà te zalan ne nengeg̵iekan te etew ne migkaan te menge tagbis.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.