Lucas 7:39 - Manobo Western Bukidnon

³⁹ Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”

Lucas 7:39 Cross References

Mateo 20:16

Ne migkag̵i si Jesus te, “Is egkengehuziyan guntaan ne iyan egkengehuna keuzemà, ne sikan is egkengehuna g̵untaan ne iyan maan egkengehuziyan keuzemà.”

Mateo 21:11

Ne midtavak is mezakel he menge etew he nemenduma ki Jesus te, “Iyan sikandin sikan is ebpeneuven te Megbevayà he si Jesus he tigNeserit diyà te Geliliya.”

Lucas 12:17

Ne neisip dutun te etew is, ‘Hengkey is ed-ul-ulahan ku kayi te langun he uzar ku? Su kenà egkeamin kayi te menge budiga ku ne wazè en egketeg̵uan ku.’

Lucas 15:2

Ne utew heini ingkeepes te menge Perisiyu wey menge menunudlù te kesug̵uan he zutun daan, ne ke sikandan te, “Heini si Jesus, ne ebpemekiduma kayi te menge etew he utew mesinupaken te kesug̵uan tew ne egkaan daan sikandin duma kandan.”

Lucas 16:3

Ne neisip dutun te sulug̵uen is, ‘Id-awè e ves kayi te terebahu ku. Hengkey is meupiya he ed-ul-ulahan ku? Su siak, ne kenè e en ebpekehimu he edterebahu te meveg̵at iring te kegkalut ne egkeeled a he ebpemumuyù te limus.

Lucas 18:4

Ne neug̵et en haazà he kenà edseg̵ipaan dutun te huwis is hangyù dutun te vahi. Ne g̵eina te neug̵et en is layun kedlikùlikù dutun te vahi he edhangyù diyà te kandin, ne neisip dutun te huwis is, ‘Minsan wazè ku kehandek te Megbevayà ne wazè ku zaan kedtahud te minsan hentei etawa,

Lucas 3:8

Emun tutuu he mid-iniyug̵an niw is memezaat he ulaula, ipeehè niw pinaag̵i te menge meupiya he vaal niw. Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, ne egkehimu he ebeelan din heini is menge vatu he kevuwazan ni Abraham.

Lucas 7:16

Ne is langun he nemekeahà dutun, ne utew zan nengehandek ne nezalig dan is Megbevayà, ke sikandan te, “Heini en te kenitew is utew lavew he ebpeneuven te Megbevayà!” Ne ke sikandan daan te, “Mibulus en is Megbevayà su wey kiw melibri is menge nengepilì din he etew!”

Lucas 7:37

Ne zutun he inged duen bahi he mezaat is dengeg din. Ne hein netuenan kayi te vahi he zutun egkaan si Jesus te valey te Perisiyu, midhendutun sikandin is ed-uwit te meputì he pelenahan he vatu he elebastru he midteg̵uan te mehemut he agwa he mahal utew.

Lucas 7:38

Ne mid-uvayan din si Jesus ne midluhud diyà te uvey te paa zin ne mibpenig̵is is luhè din ne nengeulug diyà te paa ni Jesus. Ne mibpunasan din te vulvul zin ne midhezekan din. Ne zutun mibusbusan din haazà is paa ni Jesus duen te agwa he utew mehemut.

Lucas 7:40

Ne zutun impezineg ni Jesus dutun te Perisiyu heini is lalag, ke sikandin te, “He Simon, duen egkeg̵iyen ku kenikew.” Ne ke si Simon te, “Hengkey?”

Juan 4:19

Ne mid-uman megkag̵i haazà is bahi te, “Ebpeneuven ke ves te Megbevayà?

Juan 7:12

Ne egkesumpakì is mezakel he menge etew he nengetig̵um diyà te inged he Hiruselim. Egkag̵i is duma kandan te, “Meupiya sikandin he etew.” Ne edtavak daan is duma te, “Kenà, su tarù is ibpenurù din te menge etew.”

Juan 9:24

Ne zutun mid-umanan dan umawa haazà is neulian he lakap ne migkeg̵iyan dan te, “Iyan nu keg̵iya is tutuu su kayi ka te etuvangan te Megbevayà. Netuenan dey he heini si Jesus, mesinupaken sikandin te sug̵ù te Megbevayà.”