Lucas 7:33 - Manobo Western Bukidnon

³³ Ne hein neehè niw si Juan Megbebewtismu, is edsalang egkaan, ne kenà daan ed-inum te vinu ne migkag̵i niw he midsuukan sikandin te mezaat he mulin-ulin.

Lucas 7:33 Cross References

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 3:1

Mibpenlavey is menge tuig dutun ne zuen etew he egngezanan ki Juan Megbebewtismu. Diyà sikandin te tanà he wazà duen ed-ubpà he etew seled te prubinsya he Hudiya. Ne impesavut din te menge etew is Lalag te Megbevayà.

Mateo 3:4

Ne si Juan, kukumbalà te midhavel he vulvul te kemilyu ne vevakes te lundis he neg̵angu. Ne terapan dà wey teneb is keuyag̵an din.

Marcos 1:6

Ne heini si Juan, kukumbalà te midhavel he vulvul te kemilyu ne vevakes te lundis he neg̵angu. Ne is keuyag̵an din ne terapan wey teneb.

Lucas 1:15

su utew zekelà is pid-etawan din sumalà is ked-isipa kandin te Nengazen. Kenà sikandin ed-inum te vinu wey minsan hengkey he ebpekelangut. Ne puun dà dutun te kenè pa sikandin id-anak egkepurung sikandin egkeulini te Wag̵as he Mulin-ulin.

Lucas 7:32

Su is menge vatà, ne ebpememimpinuu ziyà te tiyenggiyan is ebevaleyvaley. Ne ebpeum-umawà sikandan is egkag̵i te, ‘Edtemburan dey sikiyu ne kenè kew edsayew, ne edlelendag key ne kenè kew zaan edtampu.’

Lucas 7:34

Ne siak is Kakey te Menusiyà, wazà a medsalang megkaan ne mid-inum a mulà te vinu ne nengeinuinu kew ne migkag̵i niw he vuleg̵uk a wey pereinum te vinu. Ne ke sikiyu te emig̵u a te menge lalung he etew iring te menunukut te vuhis wey menge mesinupaken.

Juan 10:20

Mezakel kandan is egkag̵i te, “Ebuneg̵en sikandin wey mid-ulinan te mezaat he mulin-ulin. Kenè tew ebpemineg̵en sikandin.”

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!

Nengeulaula 2:13

Ne is duma kandan, edsumpeliten dan haazà is menge tumutuu he egkag̵i zan te, “Egkengelangut heeyan!”