Lucas 7:19 - Manobo Western Bukidnon

¹⁹ Ne zutun midtawag ni Juan is dezuwa te menge sumusundan din ne midsug̵ù din diyà te ki Jesus. Iyan insug̵ua zin dutun su ibpeinsè din ke iyan en be iyan si Jesus sikan is netagnà dengan is kebpekeuma zin dini te kelibutan he impesavut ni Juan wey ke zuen pe be ebpeebuten he liyu ki Jesus.

Lucas 7:19 Cross References

Marcos 6:7

Ne midtig̵um din sikan is sepulù wey zezuwa he menge sumusundan din su ibpehipanew zin. Mibpemahinbahin din sikandan te tigduwazuwa. Ne mibpemeg̵ayan din daan sikandan te g̵ehem te kebpeguwà te mezaat he mulin-ulin.

Lucas 10:1

Ne hein neipus heini, duen daan kepituwan wey zewuwa he menge maama he nepilì te Nengazen he si Jesus su ibpehuna zin ibpehipanew te tigduwazuwa ziyà te langun he menge inged he ebpemeyaan din daan.

Lucas 11:1

Sengeandew, ne ed-ampù si Jesus diyà te Megbevayà. Ne te nekeipus sikandin te ed-ampù migkag̵i is sevaha zuen te menge sumusundan din, ke sikandin te, “Datù, penurua key te ked-ampù su si Juan Megbebewtismu, mibpenurù din is menge sumusundan din te ked-ampù.”

Lucas 11:39

Ne migkag̵i si Jesus diyà te kandin te, “Sikiyu is menge Perisiyu, ebpurungan niw ebentayi is menge vetasan niw, iyan, diyà te isip niw wey g̵ehinawa niw ne zuen keheheramham wey kelelalung. Iring kew te vasu wey pinggan he nelumpiyuwan diyà te g̵awas, iyan, meremerik is diyà te seled.

Lucas 12:42

Ne midtavak is Nengazen te, “Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Lucas 13:15

Ne midtavak kandin si Jesus te, “Tarù is menge ulaula niw! Ke zuen baka ne emun kenà ne kudà te minsan hentei keniyu, kenà egkehimu he kenè din edhekazan haazà emun Andew te Kedhimeley, kekenà, edhekazan din ne edtuyuken din pehendiyà te wahig su ibpeinum din.

Lucas 17:5

Ne migkag̵i haazà is menge epustul diyà te ki Jesus te, “Heg̵eta nu is kedtuu zey.”

Lucas 17:6

Ne midtavak si Jesus te, “Emun duen kedtuu nu he minsan iring dà kezekelà te sengevuuk he lisu te mustasa he utew zeisek ne egkekeg̵iyan nu heini is dekelà he kayu te, ‘Awè ka keniyan ne halin ka ziyà te zag̵at.’ Ne iyan dà haazà, ne ebpezumazuma kenikew.”

Lucas 18:6

Ne ke si Jesus te, “Isipa niw is mid-ulaula zutun te huwis he kenà pezem metazeng is kedhusey zin.

Lucas 19:8

Ne si Sekiyu, hein nekeuma zan engki Jesus diyà te valey zin ne midhitindeg sikandin is egkag̵i te, “Ibeg̵ey ku is ketengà kayi te ketig̵eyunan ku ziyà te menge ayuayu. Ne minsan hentei he etew he nelimbungan ku zengan, ne id-ulì ku ziyà te kandin is keheepat egketakep haazà is nekuwa ku.”

Lucas 22:61

Ne zutun midlilingey ni Jesus si Pedro ne midtengtengan din. Ne zutun human metenuzi ni Pedro sikan is migkag̵i ni Jesus kandin he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.”

Lucas 24:34

Ne iyan ingketig̵um dan su ebpetudtudtulè dan he egkag̵i te, “Benar ves iyan he nevanhew is Nengazen su mibpaahà ki Pedro.”

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Lucas 7:20

Ne hein nekeuma zan diyà te ki Jesus migkag̵i zan te, “Iyan impekehendini zey te kenikew su midsug̵ù key ni Juan Megbebewtismu su ibpeinsè din ke iyan ke en be iyan kes impesavut din he ibpehendini te Megbevayà wey ke zuen pe be ebpeebuten liyu kenikew?”

Juan 11:2

Iyan si Maria kes bahi he inhaplas din is agwa ziyà te menge paa ni Jesus, ne interapu zin dutun is menge vulvul zin. Ne meemahan dutun haazà is egkezeruwan he si Lazaro.

Juan 4:1

Nezineg te menge Perisiyu is tudtul he mezakel is nengehimu ni Jesus he menge sumusundan wey mezakel is nengebewtismuwan ni Jesus kenà te ki Juan; asal wazà iyan si Jesus mebewtismu, kekenà, iyan is menge sumusundan din. Ne hein nezineg daan ni Jesus haazà he tudtul, mid-awà diyà te prubinsya he Hudiya ne mid-ulì diyà te prubinsya he Geliliya.

Juan 4:25

Ne zutun migkag̵i haazà is bahi te, “Netuenan ku he ebpekeuma keuzemà is mibpilì te Megbevayà wey mekehadì, sikan is migeraran ki Kristu. Ne emun ebpekeuma en, ibpesavut din kenitew is langun.”

Juan 6:23

Ne zutun te uvey te lugar he zutun nemekekaan sikan is menge etew te supas he mibpeselematan te Nengazen he si Jesus, duen nemekezunggù he menge avang he ziyà ebpemuun te inged he Tibiryu.

Impezayag 11:3

Ne edsug̵uen ku zutun is dezuwa he ibpewali ku. Egkukumbalà sikandan te manggad he saku ne ebpenudtulen dan is ibpekag̵i kandan te Megbevayà seled te nengkelibu wey zezuwa he g̵atus wey keneman he andew.”