Lucas 6:5 - Manobo Western Bukidnon

⁵ Ne impelaus ni Jesus haazà is lalag din, ke sikandin te, “Siak is Kakey te Menusiyà, iyan a zuen keg̵ehem te egkag̵i ke hengkey is hustu he ed-ul-ulahan te etew emun Andew te Kedhimeley.”

Lucas 6:5 Cross References

Marcos 2:27

Ne minsan pa zutun wazè dan mekesalà. Iyan aney he midlimbag te Megbevayà is etew ne human din insug̵ù is Andew te Kedhimeley, he ke và dà egkeg̵iya, mahal is etew, kenà is Andew te Kedhimeley.

Marcos 9:7

Ne neselikuvungan sikandan te g̵apun ne nezineg dan is midtik-ew megkag̵i he ebpuun dutun te g̵apun te, “Iyan heini sikan is Anak ku he utew ku minahal. Pemineg̵a niw is menge lalag din.”

Lucas 6:4

Ne wazà sikandin mekesalà minsan midseled diyà te simbahan he Valey te Megbevayà ne migkaan din is egkeenen he insavuk diyà te etuvangan te Megbevayà ne impekaan din daan dutun is menge zuma zin. Supak te kesug̵uan is kegkeena zan dutun su iyan dà ebpekekaan dutun he egkeenen is menge memumuhat.”

Lucas 6:6

Ne sevaha pa zutun he andew he Sebadu, midseled si Jesus duen te simbahan te menge Hudiyu ne nenurù sikandin. Ne zuen dutun etew he minatey is menge ug̵at te kewanan he velad din.

Impezayag 1:10

Ne zutun te sevaha he andew he Duminggu, utew mezesen is ked-uwita kedì te Wag̵as he Mulin-ulin ne zuen impeehè din kedì. Diyà te egkeiniyug̵an ku nezineg ku is egkag̵i he iring te vudyung su utew mezag̵ing,