Lucas 6:48 - Manobo Western Bukidnon

⁴⁸ iring sikandin te etew he ebevaley te melig-en diyà te zivavew te zekelà he vatu. Memezalem is bangbang din he mibpesekan din te tukud. Ne nepasad haazà is baley ne mibagyu ne midalem is wahig ne nesug̵at haazà is baley te meseleg he wahig, iyan, wazà merundus su nevig̵eran man.

Lucas 6:48 Cross References

Lucas 6:47

Is minsan hentei he sumusundan ku he nekezineg te menge sambag ku ne ebpezumdumahan din, egkeg̵iyen ku keniyu he

Lucas 6:49

Ne is etew he ebpemineg dà te menge sambag ku, iyan, kenè din ebpezumdumahan, ne iring sikandin te etew he ebevaley ziyà te pantad. Ne hein nepasad din haazà is baley zin ne mibagyu ne nesug̵at haazà is baley zin te utew meseleg he wahig ne nerundus haazà is baley he nepurung mewag̵ey.”

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Ipisu 2:20

Ne sikitew is menge tumutuu, iring kiw te valey he ibpehitindeg te Megbevayà diyà te vatu. Iyan si Kristu kes batu he edtukuzan kayi te valey. Is menge epustul wey ebpemeneuven te Megbevayà, ne iyan menge tukud. Ne iyan kew menge zuma he himan kayi te valey.

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”

2 Pedro 1:10

Menge suled, geina te mibpilì kiw ne midhimu kiw te Megbevayà he menge tumutuu kandin, edhimuwen tew is taman te egkehimu tew wey maahà he tutuu iyan is kebpilia zin kenitew wey is kedhimuwa zin kenitew he menge tumutuu zin. Su emun iyan heini ed-ul-ulahan tew kenè kiw ebpekesuwey te hustu he ibayà,

1 Juan 2:28

Ne tenged kayi te langun, menge anak ku, hemeni niw is kebpekidsevaha niw ki Kristu su wey kenè kew mahandek ne kenè kew egkeeled keuzemà dutun te kedlikù din.

Hudas 1:24

Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.