Lucas 6:30 - Manobo Western Bukidnon

³⁰ Emun duen ebuyù diyà te kenikew, iveg̵ey nu ziyà te kandin is ebuyuen din, ne emun duen etew he ed-eg̵awen din is menge azen nu ne kenè nu hewia.

Lucas 6:30 Cross References

Mateo 18:35

Ne,” ke si Jesus te, “iring ded daan kayi is ed-ul-ulahan te Amey ku he ziyà te langit diyà te uman sevaha keniyu emun kenà tutuu is kebpesaylu niw te minsan hentei he zuma niw.”

Mateo 5:39

Ne iyan kedì he penurù keniyu is: kenà egkehimu he ebelesan ta is ebpesipala kenita, kekenà, ebpurungan ta. Ne emun edtebpien din is kewanan he enaping ta, egkeg̵iyan ta he egkehimu pa ke elin din edtebpien is divaluy.

Mateo 6:12

peseyluwa key te menge salè dey iring te nekepesaylu key te nekesalà kenami.

Lucas 11:41

Ne sumalà is egkehimu niw, beg̵ayi niw is menge egkengeayuayu ne human egkehimu he egkelumpiyuwan kew egkepurungi.

Lucas 12:33

Ivelegyè niw is langun he azen niw ne ipemeg̵ey niw is halin diyà te menge egkengeayuayu. Pinaag̵i kayi egkehimu he zuen ketig̵eyunan niw ziyà te langit. Is menge azen niw ziyà te langit, ne kenà egkezeetan ne kenà egketerinan su wazà ebpenakew ne wazà ipes he ebpekeketket.

Lucas 18:22

Ne hein nezineg ni Jesus haazà, migkeg̵iyan din te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Lucas 6:29

Emun duen etew he edtebpien din is enaping nu, ne keg̵iyi nu he egkehimu pa ke elin din edtebpien is divaluy. Ne emun duen etew he edluwasen din is kumbalè nu ne keg̵iyi nu te egkehimu pa ke elin din egkuwaan is kemising nu.

Lucas 6:31

Is meupiya he egkesuatan nu he ed-ul-ulahan te zuma ziyà te kenikew, ne iyan nu ul-ulaha ziyà te kandan.

Lucas 6:38

Mebeg̵ey kew ziyà te menge zuma niw ne is Megbevayà, ebeg̵ayan kew zin daan. Is kezekelà te ibeg̵ey niw ne iyan daan kezekelà te ibeg̵ey keniyu te Megbevayà. Ne is ibeg̵ey zin keniyu, ne utew subra su henduen te utew edhesheseka wey utew ebpenpenua ne egkepeuluwan pa.”

Nengeulaula 20:35

Ne pinaag̵i kayi te langun, impeehè ku keniyu he kinahanglan he pinaag̵i te kebpenigudu tew egketevangan tew is egkengeayuayu su egketenuzan tew is menge lalag dengan te Nengazen tew he si Jesus su ke sikandin te, ‘Dekelà is kelipey ta ke ebeg̵ey ki, kenà ke iyan ki edawat.’ ”

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

Ipisu 4:28

Is tekawen, engkezi zin is kebpenakew ne medterebahu su wey hustu he paag̵i is kegkuwaa zin te igkeuyag din ne wey metevangi zin is egkengeayuayu.