Lucas 6:22 - Manobo Western Bukidnon

^22-23 Utew kew zeyzey emun egkuntedahan kew te menge etew ne kenè kew zan edewaten he zuma zan, ne ebpeel-elezan kew zan, ne egkeg̵iyen kew zan he memezaat is ulaula niw tenged te midsundan kew kedì te Kakey te Menusiyà. Iyan heini kes mid-ulaula zengan te menge kepuun dan diyà te menge ebpeneuven te Megbevayà. Medlipey kew utew emun egkehitavù heini ziyan te keniyu su utew zekelà is suhul keniyu te Megbevayà he ebpeebuten niw ziyà te langit.

Lucas 6:22 Cross References

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Mateo 10:22

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Mateo 10:39

Sikan is egkenug̵unan din is untung din dini te kelibutan, nasì egkeawà diyà te kandin is untung din. Iyan, sikan is edtumanen din is menge sug̵ù ku, minsan ke iyan ibpatey zin, ebeg̵ayan sikandin te untung he wazà din pidtemanan.

Lucas 20:15

Ne migewezan dan ne mid-uwit dan diyà te g̵awas te perasan ne midhimetayan dan.” Ne zutun migkag̵i med-uman si Jesus te, “Ne g̵eina te iyan haazà mid-ulaula zutun te impemeelima te perasan, hengkey is ed-ul-ulahan kandan dutun te teg̵ig̵aked?

Lucas 21:17

Egkuntedahan kew te langun he menge etew tenged te sumusundan ku sikiyu.

Lucas 6:21

Utew kew zeyzey is egkengevitil g̵untaan su ebpekehentayen kew keuzemà te Megbevayà! Utew kew zeyzey is egkengeseeng guntaan su egkengelipey kew keuzemà.

Juan 12:42

Ne minsan pa zutun mezakel is nemeketuu ki Jesus he menge punuan he menge Hudiyu, iyan, wazè dan keg̵iya he neketuu zan kandin su nahandek dan te menge Perisiyu su kela ke ewaa is ketenged dan te kedseled te menge simbahan.

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Juan 17:14

Sikan is lalag nu he ibpepenurù nu kediey, impenurù ku en kandan, ne migkuntada sikandan te menge etew zini te kelibutan he kuntada nu su wazè dan upakat kayi iring te wazà daan kedì he upakat te menge kuntada nu.

Juan 7:7

Kenè kew egkepeukan te menge etew he kuntada te Megbevayà, iyan, siak, egkepeukan e zan mulà su pinaag̵i te ibpenurù ku egketuenan he mezaat is menge ulaula zan.

Juan 9:34

Ne midtavak dutun is menge punuan te, “Ebpenurù ke ve kenami he mesinupaken ke man utew puun pa te ked-enaka kenikew!” Ne zutun migkeg̵iyan dan sikandin he kenè dan en maan ebmehimuwen he ebpekeseled sikandin diyà te menge simbahan dan te menge Hudiyu.

Nengeulaula 22:22

Ne te nekag̵i haazà ni Pablo wazè en mebpemineg haazà is menge etew. Mibpememensag dan te, “Himetayi en su zait he edhimetayan!”

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.

Nengeulaula 9:16

Ne ibpesavut ku kandin he mezakel is menge kemereg̵enan he egkeeg̵iyan din tenged te sulug̵uen ku sikandin.”

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

1 Pedro 3:14

Iyan, minsan ke ebpekeantus kew te kebpesipala tenged te metazeng is ed-ul-ulahan niw, medlipey kew. Kenè kew mahandek te etew zà duen ne kenè kew meseeng.