Lucas 6:19 - Manobo Western Bukidnon

¹⁹ Ne mezakel zutun te menge etew is egkesuat he egawed diyà te ki Jesus, su zuen gehem he ebpuun diyà te kandin ne pinaag̵i zutun egkengeulian is langun te sikandan.

Lucas 6:19 Cross References

Mateo 14:36

Ne midhangyù dan ki Jesus he itug̵ut din he mekeg̵awed dan te minsan sidsid dà te kumbalè din ne nengeulian is langun he nekeg̵awed dutun.

Marcos 3:10

Mezakel is nengeulian din en he egkengezeruwan ne tenged kayi, is egkengezeruwan dutun, ebpenlietliet dan en is edteg̵el ed-uvey diyà te ki Jesus wey zan mekezampà kandin su wey zan meulii.

Marcos 5:30

Ne si Jesus, netuenan din dutun he zuen neulaula te g̵ehem din ne midteren is ebpenlangulangu zutun te mezakel he menge etew is mid-insà te, “Hentei is migawed te kumbalè ku?”

Marcos 6:56

Ne minsan hendei sikandin ebpevayà, ke ziyè be te menge inged wey menge unayan be, ne zutun gihapun egkeuma zin is egkengezeruwan he ed-uwiten diyà te kandin. Idsavuk dan is egkengezeruwan diyà te lugar he ebelegyaan ne edhengyuan dan si Jesus he minsan bà dà mekeg̵awed haazà is egkengezeruwan te minsan sidsid dà te kumbalè din. Ne minsan hentei he nekeg̵awed te kumbalà ni Jesus dutun, ne neulian.

Marcos 8:22

Ne nekeuma zan diyà te inged he Bitsayda ne zuen menge etew zutun he mid-uwit dan diyà te ki Jesus is sevaha he lakap. Ne midhengyuan dan si Jesus he zempaa zin haazà wey meulii.

Lucas 5:17

Sevaha he andew he ebpenurù si Jesus, duen ebpemimpinuu he mezakel he menge Perisiyu wey menge menunudlù te kesug̵uan he midtelavuk dutun. Diyà haazà ebpemuun te langun he menge inged he sakup te Geliliya wey sakup te Hudiya. Ne zuen daan duma zan dutun he ebpemuun te Hiruselim. Ne zutun te ki Jesus is gehem te Megbevayà su wey zin mevewii is menge etew.

Lucas 6:18

Ne mibewian din is langun he menge etew he ebpenlelungen te menge mezaat he mulin-ulin zutun ne nengeulian sikandan.

Nengeulaula 19:12

Su minsan penuwilu zà wey ke tualya he neg̵amit din, ed-uwiten dan diyà te menge egkengezeruwan wey edlelungen te mezaat he mulin-ulin ne egkengeulian sikandan.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.