Lucas 6:18 - Manobo Western Bukidnon

¹⁸ Ne mibewian din is langun he menge etew he ebpenlelungen te menge mezaat he mulin-ulin zutun ne nengeulian sikandan.

Lucas 6:18 Cross References

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Mateo 17:15

Ke sikandin te, “Datù, kehizuwi nu is anak ku. Ebevuyen sikandin ne utew merasey is egkeulaula zin su layun egkeulug diyà te hapuy wey ziyà te wahig.

Lucas 6:17

Ne hein neipus ni Jesus is kebpilia zin kandan midtupang sikandin duma haazà is nengepilì din. Midteren dan dutun te patag ne nengevurun dutun is mezakel he menge sumusundan din wey is medmezakel he menge etew he ebpemuun diyà te menge inged he sakup te Hudiya wey ziyà te inged he Hiruselim. Ne zuen daan menge etew he ziyà ebpemuun te menge inged he Tiru wey Sidun he ziyà te veyvey te zag̵at. Iyan tuyù dutun te menge etew is ebpemineg dan te kebpenurù ni Jesus wey ebpemevawì daan sikandan kandin te menge zaru zan.

Lucas 6:19

Ne mezakel zutun te menge etew is egkesuat he egawed diyà te ki Jesus, su zuen gehem he ebpuun diyà te kandin ne pinaag̵i zutun egkengeulian is langun te sikandan.

Nengeulaula 5:16

Ne is menge meg̵inged te menge inged he ziyà te uvey te Hiruselim, midhendiyè dan te Hiruselim is ebpemen-uwit te menge egkengezeruwan wey ebpenlelungen te mezaat he mulin-ulin ne nengeulian is langun kandan.