Lucas 6:16 - Manobo Western Bukidnon

¹⁶ ne elin daan si Hudas he anak te sevaha he etew he egngezanan daan ki Santiago wey is sevaha pa he egngezanan ki Hudas he tigKeriyuti. Heini he Hudas, iyan kes mid-akal ki Jesus.

Lucas 6:16 Cross References

Mateo 10:3

Ne zutun daan si Felipe, si Bartolomeo, si Tomas, si Mateo he iyan kes menunukut te vuhis wey si Santiago he anak ni Alpiyu. Duen daan si Tediyu,

Lucas 6:15

si Mateo wey si Tomas, si Santiago he anak ni Alpiyu wey sevaha he etew he egngezanan ded daan ki Simon he nevantug tenged te utew mezesen sikandin he edtuman te imbilinbilin he kesug̵uan,

Lucas 6:17

Ne hein neipus ni Jesus is kebpilia zin kandan midtupang sikandin duma haazà is nengepilì din. Midteren dan dutun te patag ne nengevurun dutun is mezakel he menge sumusundan din wey is medmezakel he menge etew he ebpemuun diyà te menge inged he sakup te Hudiya wey ziyà te inged he Hiruselim. Ne zuen daan menge etew he ziyà ebpemuun te menge inged he Tiru wey Sidun he ziyà te veyvey te zag̵at. Iyan tuyù dutun te menge etew is ebpemineg dan te kebpenurù ni Jesus wey ebpemevawì daan sikandan kandin te menge zaru zan.

Juan 14:22

Ne zutun migkag̵i si Hudas (kenà sikan is Hudas he tigKeriyuti), ke sikandin diyà te ki Jesus te, “Maan is edhimuwen nu he metueni zey sikew ne kenè nu edhimuwen he metueni ka te menge etew he wazà medtuu kenikew?”

Nengeulaula 1:25

he mehimu he epustul he id-ilis ki Hudas. Su si Hudas, mid-engkezan din kes mibpeveelan kandin ne midhendiyè en te hustu he ed-ulian din.”

Hudas 1:1

Siak si Hudas is suled ni Santiago wey is sulug̵uen ni Jesu Kristu. Sikiyu is midhimu te Amey tew he Megbevayà he menge tumutuu he menge minahal zin he midlig-enan ni Jesu Kristu, iyan kew ebpesuratan ku.