Lucas 6:11 - Manobo Western Bukidnon

¹¹ Ne zutun, ne utew nengepauk haazà is menge Perisiyu wey haazà is menge menunudlù te kesug̵uan ne mibpelelelag̵è dan ke hengkey is ed-ul-ulahan dan ki Jesus.

Lucas 6:11 Cross References

Mateo 16:7

Ne wazè dan mesavut he kenà iyan is tapey te supas egkeg̵iyen din, ne mibpelelelag̵è dan te, “Iyan ingkeg̵iya zin kayi su wazè kiw mekeuwit te supas.”

Mateo 21:45

Ne heini is menge sempità ni Jesus, nezineg te menge Perisiyu wey menge lavew he memumuhat ne nesavut dan he iyan din sikandan egkeg̵iyen.

Lucas 4:28

Ne is menge etew zutun te simbahan, hein nezineg dan haazà is migkag̵i ni Jesus ne utew zan nengepauk.

Lucas 6:10

Ne mibpenlangulangu si Jesus dutun te langun he menge etew ne migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew is belad din ne segugunà neulii.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Juan 11:47

Ne zutun midtig̵um te menge punuan he memumuhat wey menge Perisiyu is menge ebmeg̵urangen te menge Hudiyu. Ne hein netig̵um dan en, migkag̵i zan te, “Ebmenumenu kiw su heini si Jesus, mezakel is menge egkein-inuwan he ebeelan din.

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Nengeulaula 26:11

Kenè en egkepangkus is kebpesiluti ku kandan diyà te menge simbahan su ebpeg̵esen ku pezem sikandan he engkezi zan is kedtuu zan. Ne tenged te utew ku sikandan nepeuki, mid-alew ku sikandan minsan diyà te menge meziyù he inged wey ku sikandan mesiluti.

Nengeulaula 4:15

Umba, dutun te rug̵u he netig̵uman dan migkeg̵iyan dan ensi Pedro he med-awè dan dè pa. Ne zutun mibitiyara zan, ke sikandan te,

Nengeulaula 4:19

Ne midtavak si Pedro wey si Juan te, “Isipa niw ke hendei zapit is egkesuatan te Megbevayà kayi te zezuwa he paag̵i: ke edtumanen dey ve is sug̵ù niw he kenè dey ibpenurù is ngazan ni Jesus, wey ke edtumanen dey is ebpeveelan kenami te Megbevayà.

Nengeulaula 5:33

Ne hein nezineg heini te menge punuan, utew zan nengepauk ne ed-isipen dan en edhimetayi is menge epustul.

Nengeulaula 7:54

Ne hein nezineg te menge punuan he menge Hudiyu haazà is lalag ni Esteban, utew zan nengepauk. Ne migkeg̵etket is bag̵ang dan te kegkererengiti zan utew.

2 Timoteo 3:9

Kenà ebpekeuswag is ed-ul-ulahan te menge etew he iring kayi su egkeahà te langun he engey sikandan iring ki Hanis wey ki Hembiris.