Lucas 5:7 - Manobo Western Bukidnon

⁷ Ne migkapey zan is menge zuma zan dutun te sevaha he avang wey zan mekeug̵up. Ne hein nekeuma haazà is menge zuma zan, impen-ahuk dan is pait dutun te zezuwa he avang ne samè dà kenà melavu haazà is menge avang tenged te utew nepenù.

Lucas 5:7 Cross References

Marcos 4:36

Ne zutun mid-ewaan dan is mezakel he menge etew ne is menge sumusundan ni Jesus, mid-untud dan duen te avang he sikan is mibpinuuwan ni Jesus ne migenat dan. Ne zuen daan duma zutun he menge etew he nemen-aavang is eduma kandan.

Lucas 5:6

Ne zutun mibpenlaya zan en maan ne hein mibuwat dan haazà is laya ne nevenbenaran sikandan te utew mezakel he menge pait he neutel su samè dà kenà mevindas haazà is laya te kegkepenù din.

Lucas 5:8

Ne si Simon Pedro, hein neehè din is neulaula, nekeluhud diyà te ki Jesus is egkag̵i te, “Datù, deyzey ke ebpekeziyuan a kenikew su utew a mekesesalà.”

Nengeulaula 11:25

Ne midhendiyà si Bernabe te Tarsu su ebpen-ahaan din si Seulu.

Gelasya 6:2

Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Pilipus 4:3

Ne sikew zaan is timbang ku ziyan, egkesuatan ku he tevangi nu heini is menge vahi wey zan heini metuman su mibpenigudu zan te kedtavang kedì te kedsengyawa ku te Meupiya he Tudtulanen. Ne elin daan si Clemente wey zuen pa menge zuma niw he midtavang kedì. Is menge ngazan dan te langun, ne nekesurat en diyà te libru te Megbevayà he zutun inlista zin is mibeg̵ayan te untung he wazè din pidtemanan.