Lucas 5:36 - Manobo Western Bukidnon

³⁶ Ne zutun insempità ni Jesus is kenà kebpeked-amur te veg̵u he penurù din wey te zaan he tuluuwen te menge Hudiyu, ke sikandin te, “Wazà etew he ebindas te veg̵u pa he kumbalà su idapi zin te kumbalà he tug̵ak en. Su emun ebeelan din is iring kayi, ne nezezeetan din dà is beg̵u, ne haazà is daan he kumbalà, kenà ed-engayan te veg̵u he indapi zutun.

Lucas 5:36 Cross References

Lucas 5:35

Ne zutun te timpu he ibpaawà diyà te kandan sikan is ebpengesawa, human dan edsalang egkaan, su egkeseeng dan.”

Lucas 5:37

Ne iring din ded daan,” ke si Jesus, “is binu he sikan pa ebeeli he idtag̵ù diyà te teleg̵uey he lundis te kambing. Kenà egkehimu he ziyà idtag̵ù te zaan he teleg̵uey su ebetu is teleg̵uey ne egkeulaan haazà is binu ne egkezeetan daan is teleg̵uey.

2 Kurintu 6:16

Ne is simbahan he Valey te Megbevayà he zutun ed-ezapa sikandin, kenà egkehimu he zutun daan ed-ezapa is menge tarù he ed-ezapen. Ne iring din ded daan sikitew is tumutuu su iyan kiw iring te valey he ed-ubpaan te wazè din kemetayen he Megbevayà. Su migkag̵i is Megbevayà te, “Edlumunan ku sikandan ne ebpekiduma a kandan ne egkehimu he iyan a edsimbahan dan he Megbevayà ne iyan sikandan menge g̵aked ku he etew.”