Lucas 5:34 - Manobo Western Bukidnon

³⁴ Ne migkag̵i si Jesus diyà te kandan te, “Penenglitan, ke zuen eseweey, is menge zuma te ebpengesawa, kenà egkehimu he ibpesalang sikandan te kegkaan ke kemulu zan pa zuma haazà is ebpengesawa.

Lucas 5:34 Cross References

Mateo 22:2

Ke sikandin te, “Is kedhadì te Megbevayà he ziyà te langit, ne iring te hadì he midtukud te zekelà he keemuran su ebpengesawa is anak din.

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Lucas 5:33

Ne zuen menge etew he migkag̵i ziyà te ki Jesus te, “Is menge sumusundan ni Juan Megbebewtismu wey is menge sumusundan te menge Perisiyu, ne layun dan ed-ampù wey edsalang dan he egkaan su wey zan mepurungi is ked-azap dan te Megbevayà. Iyan, is kenikew he menge sumusundan, kenè dan mulà edsalang he egkaan, kekenà, kada andew egkaan dan wey ed-inum dan.”

Lucas 5:35

Ne zutun te timpu he ibpaawà diyà te kandan sikan is ebpengesawa, human dan edsalang egkaan, su egkeseeng dan.”

Juan 3:29

Penenglitan ke zuen mibpengesawa, ne naangken din en haazà is mid-esawa zin. Sikan is kumekag̵un dutun, utew meupiya is gehinawa zin emun egkezineg din haazà is mibpengesawa he ebpekidlalag en dutun te mid-esawa zin. Ne iring din ded daan su utew ibmeupiya te g̵ehinawa ku zaan ke mezakel is edsundan ki Jesus. Kinahanglan he ed-iseg is bentug̵an ni Jesus, iyan, is kedì, kinahanglan he egkeawà,” ke si Juan.

2 Kurintu 11:2

Su insavuk te Megbevayà kayi te kediey is dekelà he suat he kenè kew medsuwey te Nengazen. Iring kew te rag̵a he nekeg̵unan, iyan, iyan si Kristu ingkag̵un ku keniyu. Ne egkesuatan ku he wazà duma he ebpekeesawa keniyu.