Lucas 5:20 - Manobo Western Bukidnon

²⁰ Ne hein nesavut ni Jesus he zekelà is kedsarig dan kandin, migkeg̵iyan din heini is etew te, “Mama, nepesaylu en is menge salè nu.”

Lucas 5:20 Cross References

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Mateo 9:5

Hendei zapit is egkehimu te etew zà duen, iyan be is kebpesaylu te salè din wey ke iyan is kegkeulii kandin?

Marcos 2:5

Ne si Jesus, hein nesavut din he zekelà is kedsarig dan kandin, migkeg̵iyan din haazà is etew he minatey is divaluy he lawa zin te, “Mama, nepesaylu en is menge salè nu.”

Lucas 7:48

Ne zutun migkeg̵iyan ni Jesus haazà is bahi te, “Bayi, nepesaylu en te Megbevayà is menge salè nu.”

Juan 2:25

Ne minsan te wazà edtazem kandin ke hengkey is neseled te g̵ehinawa te menge etew netuenan din en su nesayud sikandin he zaan ke hengkey is gehinawa te menusiyà.

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 14:9

Ne mibpemineg din is menge lalag ni Pablo. Ne zutun netuenan ni Pablo he zuen kedtuu zutun te etew su wey meulii. Ne midtengtengan sikandin ni Pablo

2 Kurintu 2:10

Ne ke zuen etew he ebpeseyluwen niw, ebpeseyluwen ku zaan. Su penenglitan ke zuen nekesalà diyan wey ebpeseyluwen ku, netuenan ni Kristu he iyan ketezengan ke maan is ebpeseyluwen ku su wey mebmelinew is kedezepitè niw.

Kulusas 3:13

Ed-entusen ta, ne ebpeseyluwen ta is menge zuma ta he ebpekesupak kenita. Kinahanglan he iring te mibpesaylu kiw te Nengazen tew ebpepespeseyluwè kiw zaan.

Santiago 2:18

Ne ke zuen egkag̵i te, “Edtuu zà is sevaha te Megbevayà wey melibri sikandin te silut ne is duma, ne ed-ulaula te meupiya wey sikandin melibri, ne pudu hustu.” Iyan, iyan tavak ku zutun te zezuwa is: kinahanglan he edtuu ki, iyan, kenà egkehimu he tutuu is kedtuu ta te Megbevayà ke kenà egketuusan haazà is kedtuu ta pinaag̵i te menge ulaula ta he meupiya. Kinahanglan he ibpeehè ta is kedtuu ta pinaag̵i te menge ulaula ta.