Lucas 5:16 - Manobo Western Bukidnon

¹⁶ Iyan, duen menge timpu he ed-ewaan din haazà is mezakel he menge etew ne edhendiyà sikandin te tanà he wazà dutun duma zin he etew ne zutun ed-ampù diyà te Megbevayà.

Lucas 5:16 Cross References

Mateo 14:23

Ne hein nemekehipanew en haazà is menge etew, midtekezeg si Jesus diyà te vuvungan te sebsevaha zin ne mid-ampù. Ne hein mezukilem en, kemulu pa zutun si Jesus te sebsevaha zin.

Marcos 6:46

Ne hein nekehipanew en haazà is menge etew, midtekezeg si Jesus diyà te vuvungan su mid-ampù.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Lucas 9:28

Ne menge sengesimana puun dutun te kegkag̵i kayi ni Jesus, miduma zin ensi Pedro, si Santiago, wey si Juan ne midtekezeg dan te vuvungan su wey mekeampù diyà te Megbevayà.

Lucas 9:29

Ne zutun te ked-ampù ni Jesus, netik-ew mahalin is dagwey zin ne mibpengenamag te keputì is ugelingen din ne ebpekesirang te mata.

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.