Lucas 5:10 - Manobo Western Bukidnon

¹⁰ Elin daan nengeinuinu zutun is menge anak ni Sibidiyu he si Santiago wey si Juan he menge zuma ni Simon te ebpenlaya. Ne migkag̵i si Jesus diyà te ki Simon te, “Kenè ka mahandek. Menlelaya ka te pait, iyan, puun guntaan iyan ku ibpeveelan kenikew is kebpen-ahà te etew wey mehimu he menge sumusundan ku.”

Lucas 5:10 Cross References

Mateo 13:47

Ne is kedhadì te Megbevayà he ziyà te langit, ne iring te laya he intaan diyà te ranew wey mekeutel te minsan hengkey he kelasi te pait.

Mateo 14:27

Ne zutun migkag̵i si Jesus diyà te kandan, “Sarig kew,” ke sikandin, “kenè kew mahandek su iyan a.”

Mateo 20:20

Ne zutun mid-uvey ziyà te ki Jesus is esawa ni Sibidiyu zuma is dezuwa he anak din he maama. Midluhud sikandin diyà te etuvangan ni Jesus su zuen ebuyuen din.

Mateo 4:19

Ne migkeg̵iyan sikandan ni Jesus te, “Menunug̵es kew ves te pait? Duma kew kedì ne etew mulà is egkekuwa niw wey zan mekesundan kedì.”

Mateo 4:21

Ne midlaus dan dutun ne neuma ni Jesus is selakew pa he zezuwa he telehazi zaan, si Santiago wey si Juan, he menge anak ni Sibidiyu. Diyà sikandan te avang duma te amey zan su ebpurungan dan is menge laya zan. Mid-umew sikandan ni Jesus ne

Marcos 1:17

Ne migkag̵i si Jesus diyà te kandan te, “Menunug̵es kew ves te pait? Duma kew kedì ne etew mulà is egkekuwa niw wey zan mekesundan kedì.”

Lucas 5:7

Ne migkapey zan is menge zuma zan dutun te sevaha he avang wey zan mekeug̵up. Ne hein nekeuma haazà is menge zuma zan, impen-ahuk dan is pait dutun te zezuwa he avang ne samè dà kenà melavu haazà is menge avang tenged te utew nepenù.

Lucas 5:9

Iyan ingkekeg̵iya zin kayi su utew neherat is mata zin te nengeutel zan he pait. Ne henduen ded daan haazà is menge zuma zan.

Lucas 6:14

Is menge etew he nengepilì din dutun iyan ensi Simon he sikan is migeraran din ki Pedro, wey sikan is hazi ni Simon he si Andres, si Santiago wey si Juan, si Felipe wey si Bartolome,

Juan 21:2

Dutun si Simon Pedro, wey si Tomas he migngezanan te Sereping, si Natanael he tigKana ziyà te Geliliya, wey elin daan dutun is dezuwa he anak ni Sibidiyu wey zuen daan dutun dezuwa pa he menge sumusundan ni Jesus.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

2 Timoteo 2:26

Ne pinaag̵i zutun human ebmetandang is ked-isipa zan te langun, ne human dan egkepeleg̵uyi is gehem ni Setanas su iyan si Setanas nekezakep kandan wey zan metuman is egkesuatan din.